Дөнгөж ажлаа хүлээж авсан Ерөнхий сайд Ч.Сайханбилэг тэргүүтэй Засгийн газрын 2014 оны арваннэгдүгээр сарын 21-ний өдрийн ээлжит хуралдаанаар хэлэлцээд, тодорхой төрлийн гэмт хэргийг илрүүлэхэд ашиглах тоног төхөөрөмж бүхий лабораторийн тухай танилцуулгыг Үндэсний аюулгүй байдлын зөвлөлд хүргүүлэхээр тогтлоо. Хэрэг илрүүлэх, хэргийн газарт үзлэг хийх байгууллага, албан хаагчдад бичил ул мөр илрүүлэх, бэхжүүлэх, шинжлэх багаж хангалтгүй байгаа тул орчин үеийн өндөр нарийвчлалтай багаж төхөөрөмж авч суурилуулахаар төлөвлөж байгаа юм.