Долоон мянган жилийн тэртээ Энэтхэгт анх үүссэн йогийн дасгалаар Монголчууд хичээллэдэг болсоор багагүй хугацаа өнгөрлөө. Оюун санаа, биеийн хөдөлгөөний цогц дасгал йогоор хичээллэдэг хүний тоо жилээс жилд нэмэгдсээр байна.

Энгийн аргаар сэтгэхүй, биед нөлөөлснөөр аливаа өвчин зовлонгоос ч туушдаа хичээллэсэн хүмүүс ангижирч чаддаг. Эрүүл, зөв амьдрахыг хүссэн хүн бүр йогоор хичээллэдэг болжээ. 2015 оны зургаадугаар сарын 21- Олон улсын йогийн өдөр. Эл өдрийг дэлхий даяар тэмдэглэн өнгөрүүлэх юм. Монголчууд йогийн өдрийг анх удаа орон даяар тэмдэглэж, Чингис хааны талбайд 10 мянган хүн цуглах аж.