Америкийн “Apple” компанийг үндэслэн байгуулагчдын нэг, тус компанийн гүйцэтгэх захирлаар ажиллаж байсан Стив Жобс 56 насандаа хорвоог орхилоо.
"Стивийн гайхалтай авъяас чадвар, эрч хүч нь бид бүхний амьдралыг хөгжин цэцэглүүлсэн маш олон нээлтийн эх үндэс байсан" хэмээн “Apple” компани гаргасан мэдэгдэлд дурджээ.
Жобс 2004 онд нойр булчирхайн хорт хавдартай тухайгаа мэдэгдэж байсан юм. Үүнээс таван жилийн дараа тэрээр элэг шилжүүлэн суулгах мэс засалд орсон. Харин өнгөрөгч наймдугаар сард Жобс гүйцэтгэх захирлын албан тушаалаа Тим Күүкэд шилжүүлэн өгсөн юм. Тэрээр компанидаа нилээд нэр хүндтэй нэгэн байжээ.
Майкрософтыг үндэслэгч Билл Гэйтс хэлэхдээ, “Жобсын хийж бүтээсэн зүйлсийн ач тусыг хойч үеийнхэн ч мэдрэх болно, түүнтэй хамтран ажилласан нь бидний хувьд үнэхээр том хүндэтгэл байсан, би Стивийг их санах болно” гэжээ.
Америкийн Ерөнхийлөгч Барак Обама мөн эмгэнэл илэрхийлж, Америкийн хамгийн агуу зохион бүтээгчдийн нэг таалал төгссөнд гүнээ харамсаж байгаагаа илэрхийлжээ. Харин Нью Йорк хотын захиагч Майкл Блүмберг Америкчууд Эдисон, Эйнштэйний адилаар дурсагдах гоц ухаантнаа алдлаа хэмээн эмгэнэл илэрхийлсэн байна.
Стив Жобс iMac компьютер, iPod, iPhone зэрэг гайхалтай бүтээлүүдээ бидний амьдралд нэвтрүүлсэн, бусдаас өөрөөр сэтгэдэг гайхалтай зохион бүтээгч байсан юм. Түүнийг нас барахаас нэг өдрийн өмнө Apple компани iPhone утасны хамгийн сүүлийн загвар болох iPhone 4S –г танилцуулсан. Энэ компаний зах зээлийн үнэлгээ 351 тэрбум доллар гэсэн тооцоо гарсан нь Стив Жобс дэлхийн хамгийн үнэтэй технологийн компанийг үндэслэн байгуулахад томоохон үүрэг гүйцэтгэснийг харуулж байна. Түүний хувийн амьдрал олон нийтийн хувьд нилээд хаалттай байсан аж. Тэрээр 1991 онд эхнэр Лорэнтэйгээ гэрлэж, гурван хүүхдийн зулай үнэрлэсэн юм.
Э.АМАР
"Стивийн гайхалтай авъяас чадвар, эрч хүч нь бид бүхний амьдралыг хөгжин цэцэглүүлсэн маш олон нээлтийн эх үндэс байсан" хэмээн “Apple” компани гаргасан мэдэгдэлд дурджээ.
Жобс 2004 онд нойр булчирхайн хорт хавдартай тухайгаа мэдэгдэж байсан юм. Үүнээс таван жилийн дараа тэрээр элэг шилжүүлэн суулгах мэс засалд орсон. Харин өнгөрөгч наймдугаар сард Жобс гүйцэтгэх захирлын албан тушаалаа Тим Күүкэд шилжүүлэн өгсөн юм. Тэрээр компанидаа нилээд нэр хүндтэй нэгэн байжээ.
Майкрософтыг үндэслэгч Билл Гэйтс хэлэхдээ, “Жобсын хийж бүтээсэн зүйлсийн ач тусыг хойч үеийнхэн ч мэдрэх болно, түүнтэй хамтран ажилласан нь бидний хувьд үнэхээр том хүндэтгэл байсан, би Стивийг их санах болно” гэжээ.
Америкийн Ерөнхийлөгч Барак Обама мөн эмгэнэл илэрхийлж, Америкийн хамгийн агуу зохион бүтээгчдийн нэг таалал төгссөнд гүнээ харамсаж байгаагаа илэрхийлжээ. Харин Нью Йорк хотын захиагч Майкл Блүмберг Америкчууд Эдисон, Эйнштэйний адилаар дурсагдах гоц ухаантнаа алдлаа хэмээн эмгэнэл илэрхийлсэн байна.
Стив Жобс iMac компьютер, iPod, iPhone зэрэг гайхалтай бүтээлүүдээ бидний амьдралд нэвтрүүлсэн, бусдаас өөрөөр сэтгэдэг гайхалтай зохион бүтээгч байсан юм. Түүнийг нас барахаас нэг өдрийн өмнө Apple компани iPhone утасны хамгийн сүүлийн загвар болох iPhone 4S –г танилцуулсан. Энэ компаний зах зээлийн үнэлгээ 351 тэрбум доллар гэсэн тооцоо гарсан нь Стив Жобс дэлхийн хамгийн үнэтэй технологийн компанийг үндэслэн байгуулахад томоохон үүрэг гүйцэтгэснийг харуулж байна. Түүний хувийн амьдрал олон нийтийн хувьд нилээд хаалттай байсан аж. Тэрээр 1991 онд эхнэр Лорэнтэйгээ гэрлэж, гурван хүүхдийн зулай үнэрлэсэн юм.
Э.АМАР
