Крис Хамфрисын эхнэр Ким Кардашиан энэ долоо хоногийн эхээр шинэ Феррари машин худалдан авахын тулд чамгүй мөнгө гаргажээ. Тэрээр Ferrari 458 Italia машиныг өөрийн болгохын тулд 325.000 доллар буюу монгол мөнгөөр бараг 400 сая төгрөг төлсөн байна. Реалити шоуны од, 30 настай Кардашиан цагаан өнгөтэй Ферраригаа Лос Анжелес дахь Platinum Motorsport –с ирж авахдаа өндөр өсгийтэй гутал өмсөж, уруулаа улаанаар буджээ. Түүний Rolls-Royce-д "найз" хэрэгтэй байсан учраас шинэ машинаа худалдан авсан гэнэ.
 
Энэхүү үнэтэй Феррари нь түүний тансаг төмөр хүлгүүдийн зөвхөн нэг нь юм. Кардашиан захиалгаар хийлгэсэн Rolls Royce Ghost машинаа энэ оны эхээр авчээ. Түүний цуглуулгад тансаг зэрэглэлийн Range Rover –ээс гадна бусад хэд хэдэн байдаг тухай TMZ.com сайтад мэдээлсэн байна.
Э.АМАР