Товчхондоо бол тухайн үеийн Ерөнхий сайд Н.Алтанхуягийн хувийн эзэмшлийн “Хаан жимс” амралтын газар нь Туул гол руу бохироо асгаж байгаа тухай фото сурвалжлага мэдээллийг amjilt.com сайт өөрийн цахим хуудаснаа нийтлэсэн нь тус сайтыг хаах гол шалтгаан болсон байдаг. Ийнхүү тухайн үеийн Ерөнхий сайдын хувийн эзэмшлийн тухай баримтай мэдээлэл оруулсан нь Б.Балгансүрэн даргын удирддаг ХХЗХ-д “таалагдаагүй”-н улмаас amjilt.com сайт руу утсаар ярьж, мэдээлэлээ буулга, үгүй Монголоос хандалтыг эрхийг хязгаарлана хэмээн сүрдүүлснийхээ дараа хууль журам зөрчсөн сайтуудын жагаалт болох black list-д amjilt.com сайтыг оруулсан үйл явдал болсон.
Ийнхүү ХХЗХ нь төрийн өндөр тушаалтанд үйлчилж, тэдний дохио заавраар хэвлэл мэдээлэлийн байгууллага руу эрх мэдлээрээ сүр далайлган, хэвлэлийн эрх чөлөө, сэтгүүлчдийн мэргэжлийн хэвлэн нийтлэх үйл ажиллагаанд бүдүүлгээр халдан, хүч түрэмгийлэлийн аргаар Амжилт.ком сайтын Монголоос хандах хандалтыг хаасан байдаг.
ХХЗХны энэхүү шударга бус үйл явдлыг Монголын Сайтын Холбоо эхнээсээ эсэргүүцэж, холбооныхоо гишүүн сайт болох amjilt.com сайтын эрх ашгийг илэрхийлэх чиглэлд хэд хэдэн акци арга хэмжээг явуулсан боловч ХХЗХ “ичсэн хүн хүн ална” гэгчийн үлгэрээр асуудалд оновчтой тодорхой тайлбар өгөлгүй удаасаар байсан тул amjilt.com –ын хамт олон ХХЗХ-ны буруутай шийдвэрийг эсэргүүцэн Захиргааны шүүхэд гомдолоо гаргасан юм.
Өнгөрсөн 1 жил гаруй хугацаанд Захиргааны хэргийг шүүхээс ХХЗХ-г хариуцагчаар татан оролцуулсан 3 шатны шүүхийн шийдвэр ХХЗХ-ны amjilt.com сайтыг хаасан үйлдэл нь буруутай, хууль бус болохыг тогтоосон. Тодруулбал, Захиргааны хэргийн Анхан, Давж заалдах, Хяналтын шатны шүүхийн шийдвэрүүд ХХЗХ-оос Амжилт.ком сайтыг хаасан шийдвэр нь үндэслэлгүй болохыг нотолж өгсөн байдаг. Гэсэн ч ХХЗХ гурван шатны шүүхийн шийдвэрийг давж дээдийн шүүхийн Ерөнхий шүүгчид гомдол гаргасан ажээ.
Тэгвэл Дээд шүүхийн Ерөнхий шүүгчийн зүгээс тэдний гомдлыг хэрэгсэхгүй болгох шийдвэр гаргасан боловч ХХЗХ нөгө өл “гүлдийх” аргаараа асуудалд хансдан хэвээр уджээ. Товчхондоо бол ХХЗХ-ны зүгээс удаа дараа санаатай болон санамсаргүй хэлбэрээр шүүхийн шийдвэрийг биелүүлэхгүй удсан тул ШШГЕГ-аас тэдэнд хандан Шүүхийн шийдвэрийн дагуу amjilt.com сайтын Монголоос хандах хандалтын нээх, black list-дээс гаргах үүргийг шаардасны дагуу ХХЗХ сая нэг юм дуртай, дургүй amjilt.com сайтыг нээлээ. Ингэхдээ анх сайтыг хаахдаа утсаар мэдэгдсэн шигээ amjilt.com сайтын өмгөөлөгч рүү тус сайьыг нээж байгаагаа утсаар мэдэгдсэн байна. Уг нь төрийн байгууллагын үйл ажиллагаа, бусад байгуллагатай харилцах харилцаа нь албан бичгээр явагдах учиртайсан.
Ийнхүү Шударга үнэн ялж, ХХЗХ-ны дарга албан тушаалтны буруутай шийдвэр, үйлдлийг шат шатн шүүх илчиллээ. amjilt.com сайт нь үнэн бодитой мэдээллийг хүргэсний төлөө төрийн байгууллагаар эрхээ хязгаарлуулж, эдийн засгийн болон сэтгэл зүйн хүнд хохирол амссан бүтэн жил хагас хугацааг ардаа орхиж, буруутгагдсан нэр төрөө шүүхээр сэргээлгэн, үйл ажиллагаагаа үргэлжлүүлэн явуулах боломжтой боллоо.
amjilt.com сайтын хамт олон өнгөрсөн жил хагасын сайт нь хаалттай байсан хугацаанд учирсан нэр хүндийн болон эд материал санхүүгийн бодит хохиролоо Иргэний хуульд заасны дагу ХХЗХ-оос нэхэмжлэх болсноо мэдэгдэж байна.
“Нийгмийн эмч” болсон хэвлэл мэдээллийн байгууллагын “амыг барих” гэсэн ХХЗХ-ны хууль бус шийдвэрийн эсрэг “хүчтэй” зогсож чадсан amjilt.com сайтын баг хамт олон болон тус сайтыг шүүхэд төлөөлсөн “Хиймор хүннү” хуулийн фирмын өмгөөлөгч Б.Минжүүрдорж болон шударга үнэн хэзээд ялдаг гэдгийг нотлож өгсөн шат шатны шүүгчид та бүхэндээ энэ дашрамд талархаж байгаагаа илэрхийлье.
Amjilt.com амжилтаараа ялгарлаа…
Монголын Сайтын Холбоо
