Өнөөдөр аргын тооллын 2015 оны арванхоёрдугаар сарын 23. Лхагва гараг. Билгийн тооллын XVII жарны "Галзууруулагч" хэмээгч модон хонин жилийн Өвлийн дунд шар хулгана сарын шинийн 13. Буд гараг. Чөлөөт эх одтой, 7 улаан мэнгэтэй харагчин тахиа өдөр.
Өдрийн барилдлага Идэр. Шүтэн барилдлага Төрөхүй. Өдрийн наран 8 цаг 47 минутад мандан, 17 цаг 04 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, улаа гаргах, хиншүү хярвас гаргахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал жаргал ирнэ хэмээжээ.
* * *Өрнийн зурхай * * *
Хонь (3/21-4/19)
Таатай өдөр. Таны ажил хэрэгт таатай нөлөөг үзүүлэх үйл явдал болох, шинэ мэдээг хүлээн авах бололтой. Таны дүр төрх, ажлын түвшинг өөрчлөх алс хэтийн төлөвлөгөө, эсвэл мөнгө төгрөгийн тийм ч муу биш ашиг орлогыг амласан хамтарсан төслийн ажилд оролцох саналыг хүлээж авах хэрэгтэй. Ажил хэрэгт хувийн амьдрал нөлөөлөх бөгөөд энэ нь ажлын хамтрагчтай харилцах харилцаанд гарах тодорхой өөрчлөлтийг дагуулна.
Үхэр (4/20-5/20)
Муу санаатнуудаас ирсэн дайсагналтай холбоотой эрүүл мэндэд аюул учирч болохыг одод анхааруулж байна. Амлалт өгөхдөө анхааралтай байж, найдваргүй хүмүүсийг өөртөө бүү ойртуул, шинэ танилдаа итгэлтэй байх хэрэггүй. Хувийн амьдралд өнөөдөр амжилт гаргах нь эргэлзээтэй байж болно. Хэрвээ цаг агаар муу байвал зүүд нь дараагийн өдөр биелнэ. Зүүдэндээ шар, цус зүүдэлвэл урвагчтай таарна.
Хамтатгах (5/21-6/21)
Холимог өдөр. Шинэ ашигтай ажлын саналыг өөртөө ашигтайгаар хэрэгжүүл. Өөртөө бүрэн итгэлтэй байж цаашдын төлөвлөгөөгөө боловсруул. Танд хэн нэгэн атаархсан бөгөөд үүнийг та их юманд бодолгүй зүгээр л орхи. Энэ нь ирээдүйн эрсдэлийг багасгаж байгаа хэлбэр болно. Хайр дурлал мөн гэр бүлийн дулаан уур амьсгалд таатай байна. Зүүд зөн билэгтэй байна.
Мэлхий (6/22-7/22)
Өөрчлөлт хувиралттай өдөр. Олонх энэ ордныхон авьяас амжилтаар нь эртнээс бахархаж ирсэн хүмүүстэйгээ хамтран ажиллах аз тохионо. Гэхдээ таны авьяас чадвар тодорхой ажилд бүрэн бэлтгэсний дараа л хэрэгтэйгээ харуулна. Та хувийн амьдралдаа эерэг өөрчлөлтүүд авчирч чадах бололтой. Хэдийгээр танд тохирохгүй ч дипломат байдал, арга заль гаргах нь тустай. Үдээс хойш таны бүх асуудлууд амжилттай шийдэгдэнэ гэдгийг амлахад таатай байна. Ажил хэргийн шугамаар томилолтоор явж мэдэх ба үр дүнд нь сэтгэл хангалуун үлдэх бололтой.
Арслан (7/23-8/22)
Өөрийгөө танин мэдэх бясалгалын өдөр бясалгалын үед шар, улбар шар, ногоон өнгөнүүд эергээр нөлөөлнө нар мандах эсвэл шингэх үед бясалгал хий. Таны булчин шөрмөс, мэдрэлийг тайвшруулж амраана. Ажил хэргийн болон уран бүтээлийн авьяас чадвар өсөх болно. Ихэнх энэ ордныхон маш зөнч байх болно. Тэд өөрсдийгөө бүтээгч хэмээн бодох болно. Энэ өдөр бүтээн байгуулалтын ажил хийх болон маш олон арга хэмжээнд оролцоход таатай.
Охин (8/23-9/22)
Аз хийморьтой өдөр. Материаллаг байдлаа дээшлүүлэх, аян замд гарах, өрсөлдөгчдийн маргаан хэрүүлийг шийдвэрлэхэд тохиромжтой. Шинэ харилцаа тогтоохыг хичээ, ялангуяа гадаадын хүмүүстэй. Улстөрчид, олон нийтийн зүтгэлтэнтэй уулзсан ажил бүтэмжтэй. Улстөрөөр оролдохыг хүсдэг хүмүүс одоо л нэг юм хүслээ биелүүлж чадна. Танд амжилт!
Жинлүүр (9/23-10/22)
Сансрын энерги авах өдөр. Од гараг сэтгэл санаагаа ариусгах мөн ойр дотнын хүнийхээ эрүүл мэнд мөн өөрийнхөө эрүүл мэндэд анхаарахыг зөвлөж байна. Найз нөхдийнхөө харилцааг ахин нэг харах хэрэгтэй. Хэрэгтэй хүнд энэрэнгүй мөн анхаарал халамж тавь. Хэрэв таны төлөвлөгөөнд гайхшруулсан мөн эрэлт хэрэгцээтэй зүйлс багтаж байгаа бол өөрийн үйл ажиллагаандаа оруул. Энэ нь нөлөө бүхий түншийн анхааралд өртөнө. Харилцаа тань үр дүнгээ өгнө.
Хилэнц (10/23-11/21)
Таны материаллаг байдал ойлгомжгүй хэвээрээ байна. Жингийн туухай хаашаа ч хөдөлж болно. Гэнэтийн зарлага гарч болох боловч гэнэтийн ашиг олох нь илүү байна. Эрсдэхгүй байхыг хичээ. Эхний гарах сэтгэгдэлд бүү итгэ. Энэ нь алдаатай байх болно. Ердийн байдлаар зөн билгээ сонсох хэрэгтэй. Энэ тохиолдолд таны бүх зүйл бүтнэ гэдгийг дотроо бодож явах нь чухал.
Нум (11/22-12/21)
Мэдээлэл хүлээн авах, цуглуулах өдөр. Таатай, таагүй олон янзын үйл явдлуудаар дүүрэн байна. Ажил төрөл таниас анхаарлаа илүү ихээр төвлөрүүлэх, зохион байгуулалттай ажиллахыг шаардах болно. Том хэмжээний зардал гаргахгүй байхыг од эрхэс зөвлөж байна. Гэр бүл харилцан ойлголцлоор дүүрэн байх бололтой.
Матар (12/22-1/19)
Өнөөдрийн хувьд үйл явдлын явцад нөлөөлөх зүйл хийлгүй урсгалаар нь явуулах нь зүйтэй бөгөөд ингэснээр таагүй байдлуудын дийлэнх нь өөрөө аяндаа алга болох болно. Энэ бүхний эцэст амар амгалан тайван байдлыг мэдэрнэ. Гол чухап гэж үзсэн ажил хэрэгт гэнэтийн таатай үйл явдал тохиох төлөв харагдаж байна. Үүссэн хайр сэтгэлийн асуудлыг амжилттайгаар шийдвэрлэх боломж гарах нь дамжиггүй. Тиймээс ирээдүйгээ өөдрөг үзлээр харахыг од гарагс зөвлөж байна. Үдшийг үр хүүхдүүдтэйгээ өнгөрүүлэх хэрэгтэй ба тэдэнтэй өндөр дуугаар харьцахгүй байх нь зүйтэй.
Хумх (1/20-2/18)
Болгоомжтой байж урьдчилан харах байдлыг баримтла. Төлөвлөөгүй зардал эсвэл санхүүгийн алдагдал гарах магадлал байна. Танаас үл хамаарах шалтгаанаар та захиалгаа алдаж болно. Хэмнэлтийн горимд орж, ажлыг маргааш гэж бүү хойш тавь. Өдрийн хоёрдугаар хагаст хайр сэтгэлийн бэлэг тэмдгийн дор өнгөрнө. Эдгээр нь хайр сэтгэлийн үндэстэй байх болно. Гүн гүнзгий ба удаан харилцаа болж мэдэх шинэ хүнтэй танилцана. Хувь заяаны өөдөөс зоригтой алх.
Загас (2/19-3/20)
Өнөөдөр амжилттай байх эсэх нь таны шинэ нөхцөлд дасан зохицох чадвар. уян хатан байхаас шалтгаална. Та ашигтай захиалга, сэтгэл татагдам санал хүлээж авах болно. Гэхдээ бодож төлөвлөөгүй зүйлд алдаа гаргах магадлал өндөр байдаг гэдгийг санахад илүүдэхгүй. Үдээс хойш гэнэтийн саад гарч болно. Хариуцлагаас зугатах гэсэн хүсэл мөрөөдөл чииь эмх замбараагүй зүйлд хүргэж болзошгүй гэдгийг одод танд анхааруулж байна.
