-“Монгол хатад” хүндэтгэлийн цэнгүүн-

Олон Улсын Эмэгтэйчүүдийн Эрхийг Хамгаалах өдрийн угтал болсон арга хэмжээнүүдээс “Монгол хатад” хүндэтгэлийн цэнгүүн зохион байгуулагдаж буй арга хэлбэрээрээ эрс ялгардаг. Салбар, салбарын алдартнууд ээжүүдтэйгээ хүрэлцэн ирдэг энэхүү цэнгүүнд уншигч эрхэм та ч элбэрэлт ижий, ханьтайгаа хүрэлцэн ирж баярлуулах боломжтой билээ.

Хамтлаг дуучдын тоглолт үзэнгээ, ээж, эхнэртэйгээ оройн зоог барьж тухалдаг “Монгол хатад” хүндэтгэлийн цэнгүүний зочин бүрт өгөх гарын бэлэг нь үндэсний компаниудын брэнд бүтээгдэхүүнээс бүрддэг байна. Өөрөөр хэлбэл үндэсний компаниуд нэгдэн, бахархалт ээжүүдийг баярлуулдаг аж.

Өнгөрсөн жил зохион байгуулагдсан “Монгол хатад” хүндэтгэлийн цэнгүүний супер азтанууд Төрийн соёрхолт зураач Ц.Цэгмидийн гурван сая төгрөгийн үнэ бүхий уран зураг, Хайнаньд амрах эрхийн бичиг, Синдерелла гоо сайхны эмнэлгээр жилийн турш үйлчлүүлэх эрх зэргийг хожсон юм. Зочид урилгын дугаараараа супер азтаны сугалаанд оролцдог гэдгийг онцлон дурьдах нь зөв болов уу. 2016.03.06-нд One event hall төвд “Монгол хатад” хүндэтгэлийн цэнгүүн, VIP тоглолт зохион байгуулагдана.

Тоглолтонд Төрийн хан хуурч Ц.Цэрэндорж, Гавьяат жүжигчин, Харанга хамтлагийн дуучин Х.Лхагвасүрэн, СТА, уртын дууч Д.Оюунжаргал, Хар сарнай хамтлагийн ахлагч С.С.Амармандах, Гавьяат жүжигчин С.Батсүх, УДБЭТ-ын бүжигчид, Натуур даанс үндэсний бүжгийн хамтлаг, дуучин Н.Ундрал, “Болор цом-2016” наадмын тэргүүн байрын шагналт Ц.Эрдэнэбаатар, амьд хөгжмийн Fire хамтлаг нар оролцож, С.Чимгээ, Б.Батзаяа нар хөтлөх юм байна. Цэнгүүний талаархи дэлгэрэнгүй мэдээллийг, зохион байгуулагчдын 80071000, 80072000, 80073000, 80065000, 94094009 утаснаас лавлана уу.

https://www.facebook.com/events/1697071190534791/