“Тэнгис”, “Өргөө” кинотеатрт нэгэн зэрэг нээлтээ хийсэн “Бодлын хулгайч” кино үзэгчдийг байлдан дагуулах төлөвтэй. Сэтгэлээс хэлсэн үг сэтгэлд хүрдэг гэдэгчлэн, бодит хүний амьдралаас сэдэвлэсэн уг бүтээл хэн хүнд нэгийг бодогдуулж дөнгөлөө. Хий хоосон номчирхоогүй, хэлбэрдэж чамирхаагүй, өнгө мөнгөний хойноос додомдоогүй нь илт. Юуны өмнө киног бүтээгчид энэ урлагт гүн хүндэтгэлтэй хандсан байна. Продюссер, кино зохиолч, найруулагч, жүжигчид, зураг авалтын багийн нэгдмэл цохилт “Бодлын хулгайч”-ыг цогц бүтээл болоход нөлөөлжээ. Киноны нээлтэнд монголын орчин цагийн кино урлагийг хөгжүүлэхэд ихээхэн хувь нэмэр оруулж буй эрхэм үзэгчид хөл гишгэх зайгүй шавснаас гадна урлаг, спорт, улс төр, бизнесийн хүрээний нэр нөлөө бүхий олны танилууд ч хүрэлцэн ирсэн харагдана.
90-ээд оны цуутай эрчүүдийн нэг “90 саяын Гансүх” буюу бодит хүний амьдралаас сэдэвлэн бүтээгдсэн “Бодлын хулгайч” кино дэлгэцнээ мэндлэх нь гэсэн мессеж энэ зуны гол сенсаци байсан билээ. Гэнэн цайлган зан, хүсэл тэмүүлэл, 90-ээд оны үеийн хүмүүсийн амьдрал, бүтэлгүйтэл, шорон гяндан, ухаарал, баяр баясал, уйтгар гунигийг дэлгэцэнд амилуулж болох цор ганц сонголтуудыг хийж чадсан байна, уран бүтээлчид. 90 сая төгрөг буюу 20 жилийн зөрүү, төдийгөөс өдий хүртэлх нийгмийн бүх л хэв шинжийн ялгааг тусгаж, мэдрүүлсэн явдал залуу үед тааламжтай санагдах шиг болнолээ.
“Wisdom“ продакшны захирал, “Бодлын хулгайч” киноны продюссероор ажилласан А.Уянга нээлтийн орой үзэгчид, хэвлэлийнхний өмнө ил гарсан юм. Тэрээр “Кино урлаг хамгийн агуу нь юм байна. Олон хүний хүч хөдөлмөр шингэдэг болохоор тэр байх. Бид “Бодлын хулгайч” киног бүтээхийн тулд судалгааны ажлыг уйгагүй, удаан хугацаагаар хийсэн” гэж даруухан мэдэгдсэн. Эрч хүчтэй энэ бүсгүйн хамтрагч нь “Wisdom” продакшныг үүсгэн байгуулагч, жүжигчин Б.Амарсайхан. Тайз, дэлгэцэнд цөөнгүй дүрийг амжилттай бүтээсэн түүнийг АЖ Очирбат гуай ”мундаг жүжигчин болжээ” гэж үнэлсэн юм.
“Бодлын хулгайч” Монголын уран сайхны киноны нээлтийн дараа уран бүтээлчид, хамтран ажиллагсад, урлаг соёл, бизнесийн салбарынхан оролцсон хүлээн авалт боллоо.
Энэхүү чөлөөт үдэшлэгийн зочид продюссерын үүрэг гүйцэтгэсэн А.Уянгыг “Кино урлагийн түүхэнд мөнхрөн үлдэх бүсгүй” хэмээн нэгэн дуугаар өргөмжиллөө.
Дэлгэрэнгүй ФОТО мэдээг эндээс үзнэ үү....
Н.Энгүүн
90-ээд оны цуутай эрчүүдийн нэг “90 саяын Гансүх” буюу бодит хүний амьдралаас сэдэвлэн бүтээгдсэн “Бодлын хулгайч” кино дэлгэцнээ мэндлэх нь гэсэн мессеж энэ зуны гол сенсаци байсан билээ. Гэнэн цайлган зан, хүсэл тэмүүлэл, 90-ээд оны үеийн хүмүүсийн амьдрал, бүтэлгүйтэл, шорон гяндан, ухаарал, баяр баясал, уйтгар гунигийг дэлгэцэнд амилуулж болох цор ганц сонголтуудыг хийж чадсан байна, уран бүтээлчид. 90 сая төгрөг буюу 20 жилийн зөрүү, төдийгөөс өдий хүртэлх нийгмийн бүх л хэв шинжийн ялгааг тусгаж, мэдрүүлсэн явдал залуу үед тааламжтай санагдах шиг болнолээ.
“Wisdom“ продакшны захирал, “Бодлын хулгайч” киноны продюссероор ажилласан А.Уянга нээлтийн орой үзэгчид, хэвлэлийнхний өмнө ил гарсан юм. Тэрээр “Кино урлаг хамгийн агуу нь юм байна. Олон хүний хүч хөдөлмөр шингэдэг болохоор тэр байх. Бид “Бодлын хулгайч” киног бүтээхийн тулд судалгааны ажлыг уйгагүй, удаан хугацаагаар хийсэн” гэж даруухан мэдэгдсэн. Эрч хүчтэй энэ бүсгүйн хамтрагч нь “Wisdom” продакшныг үүсгэн байгуулагч, жүжигчин Б.Амарсайхан. Тайз, дэлгэцэнд цөөнгүй дүрийг амжилттай бүтээсэн түүнийг АЖ Очирбат гуай ”мундаг жүжигчин болжээ” гэж үнэлсэн юм.
“Бодлын хулгайч” Монголын уран сайхны киноны нээлтийн дараа уран бүтээлчид, хамтран ажиллагсад, урлаг соёл, бизнесийн салбарынхан оролцсон хүлээн авалт боллоо.
Энэхүү чөлөөт үдэшлэгийн зочид продюссерын үүрэг гүйцэтгэсэн А.Уянгыг “Кино урлагийн түүхэнд мөнхрөн үлдэх бүсгүй” хэмээн нэгэн дуугаар өргөмжиллөө.
Дэлгэрэнгүй ФОТО мэдээг эндээс үзнэ үү....
Н.Энгүүн
