Өнөөдөр аргын тооллын 2016 оны долоодугаар сарын 10. Ням гараг. Билгийн тооллын XVII жарны "Муу нүүрт" хэмээгч Гал бич жилийн Зуны адаг хөхөгчин хонь сарын шинийн 6. Адъяа гараг. Харцага одтой, Таван шар мэнгэтэй, харагчин могой өдөр.
Барилдлага: Хүчин төгсөх
Шүтэн барилдлага: Өтлөх үхэхүй
Суудал:Уул
Өдрийн наран 5 цаг 05 минутад мандан, 20 цаг 46 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Модон хохимой өдөр. Үс шинээр үргээлгэх буюу засуулбал өнгө зүс сайжирна хэмээжээ.
* * *Өрнийн зурхай * * *
Хонь (3/21-4/19)
Хувийн амьдрал өнөөдөр тийм ч таатай байхгүй. Гэр оронтой холбоотой хүндрэл бэрхшээлүүд дүүрэн байна. Мөн хүүхдүүдтэй холбоотой асуудлууд ч таны санааг зовооно. Тэдний хүмүүжилд өрхийн төсвийн ихээхэн хэсэг нь зарцуулагдана. Таны хүүхдүүд хамгийн муу нь биш тул тэдэнд хэтэрхий өндөр шаардлага бүү тавь. Тэдний сургалтад мөнгө хөрөнгө бүү хайрла.
Үхэр (4/20-5/20)
Үдээс өмнө мэргэжлийн ажилдаа амжилт олох магадлалтай. Чухал шийдвэр бүү гарга. Санхүүгийн байдал тогтворгүй байна. Хосуудын харьцаа найрсаг байна. Та идэвхи санаачлагынхаа ачаар удирлагынхаа итгэлийг олж ашиг орлогоо нэмэгдүүлнэ. Зөвхөн дотны хүмүүстэйгээ чин сэтгэлээсээ ярилцахыг зөвлөе. Ажил мэргэжилдээ алтан дунджийг баримтал. Удирдах албан тушаалтан тань хүнд хэцүү даалгавар өгсөн ч маш сайн гүйцэтгэхийг хичээ. Ингэж чадвал албан тушаал ахих аятай боломж нээгдэнэ.
Хамтатгах (5/21-6/21)
Өнөөдөр гараг эрхэсийн том өөрчлөлт тохионо. Илүү их орлого бий болгох, эд баялаг эзэмшихэд анхаарлаа хандуул. Таны ухаан санаанд мөнгө хийх шинэ бодлууд орж ирнэ. Хэрэгжүүлэхээсээ өмнө үр дүнтэй, ашигтайг нь сонго. Гараг эрхэс таны мөнгө болон хүч чадлыг онцлохоос гадна ойр дотны хамтрагч нартайгаа зөрчилдсөнөөс зорилгодоо хүрэхэд хүндрэлтэй болохыг мэдээлж байна.
Мэлхий (6/22-7/22)
Өнөөдөр үнэ цэнэтэй чухал харилцаа холбоо тогтоогдож магадгүй. Бас урам зориг, төсөөлөл уран сэтгэмжээрээ бусдаас давуу байх болно. Одоо мөрийтэй тоглоом эсвэл яаж хурдан баяжих вэ гэсэн төлөвлөгөө зохиох цаг биш. Эрүүл мэндийн байдлаа шалгах, зан аашаа хянахад тохирсон сайхан цаг үе. Өдөр бүр цэцэрлэгт хүрээлэнд ч юм уу айл хөршийнхөө эргэн тойронд явган алхах нь тохиромжтой. Энэ арга нь бие махбодид тань сайнаар нөлөөлөх болно.
Арслан (7/23-8/22)
Өнөөдөр таны хувьд сурган хүмүүжүүлэх өдөр байж болох тул гэрээ өөрийн цайз болгож өнж. Гэр бүлээрээ хамт сууж тайван хооллох, амьдардаг орон байранд жижиг юм уу том шинэчлэл хийх, эсвэл богино юм уу удаан хугацааны амралт төлөвлөх зэргээр хүлээсэн үүргээ гүйцэтгэхийн эхлэлийг тавихад амархан байх болно. Хямралтай байгаа хэн нэгнийг халуун дулаан үгээр эсвэл бодит оролцоогоор тайвшруулах хэрэг танд гарч болох тул үүнд бэлэн бай. Хэрэв хадмуудтайгаа ч юм уу хамаатнуудтайгаа уулзах, тэднийд зочлохоор төлөвлөж байгаа бол эмзэг сэдвийг хөндөхгүй байхыг хичээ.
Охин (8/23-9/22)
Хувийн амьдрал ба ажил дээрээ алдаа гаргахгүйг хичээ. Амьдралын эрч хүч туйлын доод түвшинд байна. Иймд түншүүд, удирдлагатайгаа харьцахад хүнд байна, аливаа ажил хэрэг маш их хүч шаардана. Харин үр дүн нь тун тааруу. Хүүхдүүддээ тавих анхаарлаа сайжруул.
Жинлүүр (9/23-10/22)
Бүтээн байгуулах өдөр. Хэрэв амжилтанд хүрэхийг хүсч байгаа бол хийж буй бүхий л ажилдаа хариуцлагатай байх хэрэгтэй. Аливаа зүйлийг аргацаах эсвэл өөртөө хэт сэтгэл хангалуун болох нь зорьж буй ажлаа амжилтгүй болгож нураах шалтгаан болно. Өөртөө ямар ч итгэлгүй байсан хүсэл мөрөөдлөө илэрхийлэх ямар нэг юм хийх шийдвэр гаргах хэрэгтэй. Энэ нь таны цаашдын хөгжилд эерэг алхам болох болно. Хайртай хүмүүсийн тань тусламж дэмжлэг аливаа бэрхшээлийг даван туулахад туслах болно.
Хилэнц (10/23-11/21)
Таны өнгөрсөн долоо хоногийн ажлын ачаалал нилээд их байж таныг ядарч сульдахад хүргэсэн тиймээс та яг одоо л амарч толгойгоо сэргээх хэрэгтэй. Олон нийтийн үйл ажиллагаа санаснаас ч илүү муу байх магадлалтай байна. Аялал зугаалгаар явж, гэр бүлтэйгээ цагийг өнгөрүүлэхэд тун таатай байх болно. Энэ орой маргаантай сэдвээс зайлсхий. Хадмындаа очихдоо дипломатч байх, гэнэтийн маргаан гарч болзошгүй.
Нум (11/22-12/21)
Эрчимтэй өдөр. Өнөөдөр та гал цогтой байдал болон хүсэл тачааллаар шатах болно. Та болон таны хосын гүнзгий харилцаа нэмэгдэнэ. Ганц бие хүмүүс шинэ хайртай учирч тэр нь цэцэглэх болно. Өөрийнхөөрөө аливаа зүйлийг хийх нь илүү амар байна. Хүмүүс таныг тусалж дэмжих их сонирхолтой байх болно. Хэрвээ танд агуу хүсэл байгаа бол төсөөлөн бодох чадвараа ашиглах нь санасан үр дүнг чинь авчрах болно.
Матар (12/22-1/19)
Энэ долоо хоногийн ажлаа дуусгаж шинэ ажилдаа бэлтгэ. Ажил хэрэгт чинь саад бэрхшээл тулгарч магадгүй. Үүнээс айх хэрэггүй. Түр зуурын уналт байх болно. Та маш их амжилтад хүрэх болно. Энэ өдөр хүнд өдөр болно. Бодлогогүй байх, сэтгэл зүйн мэдрэмжгүй байдал нь хамтрагч нартайгаа зөрчилдөхөд, төрөлхийн өгөөмөр зан нь ямар ч ажлыг шийдэхэд саад болно. Хувийн амьдралд сэтгэлээр унах, гомдох явдал гарч болно.
Хумх (1/20-2/18)
Энэ өдөр бүтээлч авьяасаараа дамжуулан асуудлаа бүтээлчээр шийдэхийн тулд урам зоригоор өөрийгөө хурцал. Найзтайгаа уулзахын тулд эмнэлэгт очих нь өөрийнхөө ямар их азтайг ойлгоход туслах болно. Дуртай хөгжмөө тавьж лаа асаан өөрийн диваажинг бий болго. Өнөөдрийн наргиан тань энгийн хөгжилтэй мэт танд санагдаж байгаа ч тэд таны энэ наргианыг өөр дээрээ тусгаж авч магад.
Загас (2/19-3/20)
Гэрэлтэй өдөр. Та янз бүрийн тэмцээн уралдаанд оролцвол амжилт олох болно. Мэргэн бодлууд таны толгойд орж ирэх болно. Таны санаа бодлын давуу талыг олж харч чадах хэн нэгэнтэй ярилц. Зарцуулах ёстой зүйлдээ мөнгөө зарцуулах хэрэгтэй бөгөөд хэрэггүй зүйлд цаг зав, мөнгөө үрсний хэрэггүй. Ирээдүйд хийх зүйлээ оюун ухаандаа төсөөлөн бод ингэснээр таны зорилго амжилттай биеллээ олох болно. Өнөө орой нийтийн үйл ажиллагаанд оролцоход тохиромжтой.
