Доктор Бадрахын Чимид ойжуулалт, цэцэрлэгжүүлэлт, хотын ногоон байгууламжийн талаар олон ном бичиж нийтлүүлсэн сайн мэргэжилтэн билээ. Тэрбээр агаарын бохирдол, түйрэн, дэлхийн дулаарал гэж ярьж байгаа өнөө үед эх дэлхийдээ амьдрагчдад болон төрийн бодлогыг тодорхойлогчид, энэ чиглэлээр санаагаа зовоож хүүж бүтээж явдаг төдийгүй цаашид олон үеийн турш амьдрал цогцлоон бүтээхэд түшиг тулгуур болсон амьд байгалийг хамгаалах, бия болгох, хэвийн байдалд нь хадгалж явахад ногоон ургамал, тэр тусмаа мод, сөөгийг таних, тарих, ургуулахын эрдмийг энэ номондоо суулгаж өгснөөрөө их ач холбогдолтой болжээ.
Шинжлэх ухааны үндсийг баримтлан гарын авлага болохуйцаар бэлтгэсэн "Хотын ногоон байгууламж бага ландшафт дендрологийн үндэс" зурагт ном нь таны гар дээр очиж байна. Улаанбаатар хотын ерөнхий дендрологичоор 20 гаруй жил ажилласан энэ мэргэжилтний олон жилийн хөдөлмөр, судалгаа, ажиглалтын үр дүнд ийм нэгэн ном хэвлэгдэн гарлаа. Ялангуяа оюутан залуус, судлаачид, орчноо тохижуулах, цэцэрлэгжүүлэх, парк, цэцэрлэгийн урлагийг цогцлоох гэсэн хэн хүнд хэрэгтэй бөгөөд хэдэн үеэрээ ч ашиглахад хуучрахгүй ном болж чаджээ.
С.Амар
МОНЦАМЭ