Өмнөговь аймаг дахь Цагдаагийн газрын Цогтцэций сум дахь Сум дундын Цагдаагийн хэлтсээс “Замын хөдөлгөөнд оролцогчдын аюулгүй байдлын төлөө-Иргэн таны оролцоо” сэдэвт уулзалт зөвлөгөөнийг зохион байгуулжээ.

Уг үйл ажиллагааны үеэр зам тээврийн осол, хэргээс урьдчилан сэргийлэх ажилд боловсролын байгууллагуудыг татан оролцуулах, хүүхдийг гэмт халдлагаас хамгаалах зорилгоор сумын ГХУСАЗСЗ-тэй хамтран 2-4 дүгээр ангийн нийт 500 хүүхдэд цацруулагчтай ханцуйвчийг бэлэглэсэн байна.

“Замын хөдөлгөөнд оролцогчдын аюулгүй байдлын төлөө–Иргэн таны оролцоо” сэдэвт уулзалт зөвлөгөөнд арга хэмжээг нутгийн өөрөө удирдах байгууллага болон Засаг даргын тамгын газартай хамтран Замын хөдөлгөөний аюулгүй байдал, зам тээврийн осол, хэрэг, зөрчлөөс урьдчилан сэргийлэх ажлын хүрээнд сумын нутаг дэвсгэрт зорчигч, ачаа тээврийн үйлчилгээ эрхэлдэг аж ахуй нэгж, байгууллага, иргэд хөдөлмөрчид, жолооч нар оролцжээ.

Мөн Цогтцэций сумын Засаг дарга О.Бадарч, Тамгын газрын дарга Б.Ганболд, Цагдаагийн хэлтсийн дарга, цагдаагийн дэд хурандаа Д.Баярбат, багийн Засаг дарга нар, Монгол Улсын Зөвлөх инженер М.Долгорсүрэн, аймгийн Насан туршийн боловсролын төвийн зөвлөх багш Ц.Амарсайхан нарын албаны хүмүүс оролцсон байна.