Иргэний зориг-Ногоон намын гишүүд дэмжигчид Дээд шүүхийг улстөржсөн шийдвэр гаргасан хэмээн буруутгаж байгаа тухайгаа удаа дараа мэдэгдсээр байгаа билээ.
Өнгөрсөн долоо хоногт Дээд шүүхийн гадаа ажлын таван өдөр эсэргүүцэл илэрхийлэн жагссан тус намынхан тэмцлээ цааш үргэлжлүүлж, Дээд шүүхийн байрлах гудамж дагуу “Шүүхэд итгэх итгэл байна уу” гэсэн сэдвээр ард иргэдийн дунд санал асуулга явуулахаар болжээ. Санал асуулга гурван өдөр үргэлжлэх юм байна. Энэ үйл ажиллагаагаа цаашид орон нутагт мөн үргэлжлүүлэхээр төлөвлөж байгаа аж.