Грек баатар Theseus-ийн түүхийг өгүүлдэг адал явдалт Immortals кино нээлтээ хийсэн долоо хоногтоо 32 сая долларын орлого олж, Хойд Америкт ашиг орлогоороо тэргүүлж буй кинонуудын жагсаалтын эхэнд бичигдлээ. Супермэний Man of Steel кинонд тоглох гэж буй Английн жүжигчин Хенри Кавиллын гол дүрийг нь бүтээсэн энэ кино Адам Сэндлерийн тоглосон инээдмийн кино болох Jack and Jill –ийг ардаа орхижээ. Хоёрдугаар байранд орсон Jack and Jill кино 26 сая долларын орлого олсон байна.
Харин Гуталт Муур 3D хүүхэлдэйн кино тэргүүн байраа алдаж, гуравдугаарт бичигджээ.
Бен Стиллер, Эдди Мюрфи нарын тоглосон инээдмийн, адал явдалт Tower Heist кино 13.2 сая долларын орлогыг бүтээгчиддээ авчирсан байна.  Энэ кино хоёр долоо хоногийн өмнө театруудаар гарч эхэлсэн юм.
Леонардо ДиКаприогийн тоглосон Drama J Edgar кино тавдугаарт орсон байна. Клинт Иствүүдийн найруулсан энэ кино 11.5 сая долларын орлого oлжээ. 
Хойд Америкийн box office
1. Immortals - $32m
2. Jack and Jill - $26m
3. Puss in Boots - $25.5m
4. Tower Heist - $13.2m
5. J Edgar - $11.5m                  Эх сурвалж: Hollywood.com
Э.АМАР