Өвлийн хүйтэн жавар хаалга тогшин ирсэн ч гэрт тань гэр бүлийн халуун дулаан уур амьсгал цогцлон байгаа гэдэгт бид итгэлтэй байна. Таны элч дулаанаараа төөнөх найрсаг гэр бүлд тань долоо хоног бүр зочилдог TV ZONE-ийн хуудас бүхнээ ямар ямар мэдээлэл бэлтгэгдсэнийг тоймлож байна.
    184 дэх дугаарын нүүр хуудаснаа Сингапур улсын “Diva Models” загварын агентлагт гэрээт загвар өмсөгчөөр ажиллаж буй Л.Гэгээ уригдлаа. Өөрийн эрдэм чадал, хүсэл зорилгыг зоригоор хурцалж, олон улсын загварын ертөнцөд нэрээ сийлүүлж, түүхээ бичүүлэн яваа түүнтэй “Дугаарын зочин”-ы ярилцлагаас илүү дотно танилцаарай.
Өнгөрөгч долоо хоногт TV ZONE-ийнхон бид “Итгэлийн хаалга, Сэтгэлийн түлхүүр-3” буюу “АМЖИЛТЫН ТӨЛӨӨХ НЭГ АЛХАМ” өдөрлөгөө нийслэлийн Баянзүрх дүүрэгт амжилттай зохион байгууллаа. Энэ талаарх мэдээллийг багцлан Z News буланд бэлтгэсэн байгаа. 
Олны танил эрхмүүдийн хор шаргүйхэн мэдээлэл энэ удаад ам, ажил нь зөрдөг эрхмүүд хэн гэдгийг, 3D киног хэн долир харан үздэг тухай, дүр дүрээ олж, жинхэнэ уран бүтээл амилахын ач тус, дотуур хувцас тайзны соёл уу, стиль үү, мөн 99 долларын өртөгтэй тоглолт гээд “Шар хуудас”-наа саатах мэдээллүүд арвин бий.
Сэтгүүлийн нийтлэлийн өнгө төрхийг илэрхийлдэг “Энэ сэдвээр...” буланд сэтгүүлч У.Дашбатын хараанд өртөж, сэтгэлд буусан нийгмийн нэгэн хөндүүр сэдэв цааснаа буулаа.  
Энэ мэт эмэгтэйчүүд, эрчүүд, хүүхдүүддээ зориулах булан бүхэн цоо шинэ мэдээ мэдээллээр баяжигдан, шинэ дугаараараа таны мэдлэгт дусал болохыг зорьлоо.
Түүнчлэн та шинэ долоо хоногт Монголын болон Оросын онцлох сувгууд танд зориулж ямар ямар хөтөлбөр бэлтгэснийг цаг агаарын урьдчилсан мэдээ, өрнө дорнын зурхайн зурлага, энэ өдөр, онч үгийн хамт тольдон хараарай.
Амжилтын төлөө бидэнтэй хамтдаа алхах уншигч таны сонголт мэргэн байдагт талархъя!
Таныг хүндэтгэсэн: TV ZONE сэтгүүл