Монголдоо анх удаа усан дотор фитнесс дасгал хийж илүү эрүүл аргаар турах боломжийг нээж өгсөн "Акуа фитнесс" төвийн багш Б.Уянгатай ярилцсанаа хүргэж байна.
-Урин дулаан цаг ирж охидбүсгүйчүүд бие галбиртаа илүүтэй анхаарах болжээ. Тэдэнд зориулж Акуа фитнессээс ямар нэг шинэлэг үйлчилгээ явуулж байна уу?
-Манайх Монголдоо анх удаа усан фитнессийг оруулж ирээд 6 жил болж байна. Энэ хугацаанд үйл ажиллагаагаа байнга өргөжүүлсээр ирлээ. Одооноос фитнесс төвөө зөвхөн усан фитнессээр хягаарлахгүй гоо сайхны цогц үйлчилгээ үзүүлэгч төв болохоор зорилт тавин ажиллаж байна. Манайх усан доторх фитнессээс гадна усан сэлэлтийн сургалт явуулдаг байсан. Харин жингээ хасах хүсэлтэй хүүхнүүддээ дуулгах таатай мэдээ гэвэл тураах “хоот иог”-ийн дасгалыг үйл ажиллагаандаа шинээр нэвтрүүлэхээр болоод байгаа.
-Энэ их сонирхол татаж байна. Тэгэхээр хүмүүс иогийн дасгалаар турна гэсэн үг үү?
-Тийм ээ. Тэр дундаа эмэгтэйчүүд бидэнд маш их хэрэгтэй иогийн нэг төрөл байгаа юм. Иог хийнгээ жингээ хасна гэсэн үг.
-Хоот иогийн хичээл эхэлсэн үү?
-Бид хот иогоос гадна бүжгийн клуб нэмж хичээллүүлэхээр төлөвлөсөн. Энэ хоёрынхоо элсэлтийг одооноос авч эхлээд байна. Удахгүй хичээл эхлэх болно.
-Гоо сайхны цогц сургалт гэхээрээ ямар ямар сургалтууд багтаж байгаа вэ?
-Энэ бол жингээ хасах хүсэлтэй бүсгүйчүүд маань олон сонголттой болж байна гэсэн үг л дээ. Зөвхөн акуа фитнесээр биш бүжгээр хичээллэн турах сонирхолтой хүмүүс бүжгээр турж болж байна, эсвэл хэт их хөдөлгөөн хийхгүйгээр тайван байдлаар илүүдэл жингээ хасах сонирхолтой бүсгүйчүүд маань хоот иогоор хичээллэн турах боломжтой болж байгаа юм.
Жин хасч байгаа бүсгүйчүүд маань давхар целлюлит задлах массажинд орох ёстой байдаг. Тиймээс манай төв дэргэдээ массажны салонтой болж байгаа. Массажаа хийлгээд дасгалаа хийвэл үр дүн нь илүү байдаг. Мөн өөрийн гэсэн хуурай, нойтон саунтай учраас жин хасч байгаа хүмүүс хөлсөө сайн гаргаж чаддаг. Энэ бүхнийг нэг дор цогцоор шийдэж өгч байгаад манай үйлчлүүлэгчид их талархалтай хандаж байна.
-Усан фитнессийн бусад фитнесээр ялгарах давуу тал нь чухам юу вэ?
-Усан дотор дасгал хөдөлгөөн хийснээр арьс чангарч, сул унжсан арьсгүйгээр турдаг. Энэ бол гол давуу тал нь. Мөн жирэмсэн эхээс аваад бүх насны хүмүүс явах боломжтой, ямар нэг хориглосон зүйл байдаггүй юм.
-Тэгвэл Хоот иогоор ямар хүмүүс хичээллэвэл илүү зохимжтой юм бол? Насны хязгаар заах уу?
-Иогоор насанд хүрээгүй хүмүүс хичээллэж болохгүй. Хэт их хөдөлгөөн хийхийг хориглосон, бөөр болон үе мөчний өвчтэй, тайван байдлаар турах сонирхолтой хүмүүс хичээллэвэл илүү зохимжтой.
-Иогоор хичээллэхээр их тайван тогтуун болдог гэдэг. Хоот иогийн хувьд бас тэгэх үү?
-Тэгэлгүй яахав. Манай тураах хоот иогоор хичээллэвэл богино хугацаанд ямар ч бэрхшээлгүйгээр турахаас гадна, стресснээсээ салж маш их тайван болно.
-Хоот иог, мөн усан фитнессээр нэг сар хичээллэхэд хэдэн кг турдаг вэ?
-Акуа фитнессээр сард дунджаар 4-5 кг турдаг. Илүү хичээл зүтгэлтэй хүмүүс бол 7-8 кг ч хаяж чаддаг. Хоот иогийн хувьд одоогоор яг хэдэн кг турахыг би хэлж мэдэхгүй байна. Би төрснийхөө дараа гадаадад иогоор хичээллэж байсан. Миний хувьд сард 8 кг хассан. Ер нь бол тэр хэмжээний жинг хасах боломжтой гэж тооцоолж байгаа.
-Иогоор хичээллэхэд ядарч, сульдах байдал гардаг уу?
-Ямар ч хөдөлгөөнгүй суудлын ажилтай хүмүүсийн бие хөшиж сунгалт хийх чадвар нь муу болсон байдаг. Тиймээс дасгал хйих явцад маш их хөлс гардаг. Гэхдээ энэ нь турах үйл явц нь сайн байгаагийн илрэл юм.
--Хоолны дэглэм барих ёстой юу? Жишээ нь мах идэхийг хориглох гэдэг ч юм уу?
-Мах идэхийг хориглохгүй. Гэхдээ манай аль ч төрлийн сургалтанд явж байгаа хүмүүстээ бид хэрхэн эрүүл зөв хооллох талаар тус бүрчлэн зөвлөгөө өгдөг.
-Тураах бүтээгдэхүүн эсвэл энгийн фитнесст явж байгаад хаячихаар эргэж таргалдаг асуудал гардаг. Акуа фитнессийн хувьд тийм биш байж чадах уу?
-Ер нь хэт их жинтэй байж байгаад хоолны дэглэмээр эсвэл тураах бүтээгдэхүүн хэрэглэж турсаны дараа арьс унжиж, суларч үлддэг. Тэр суларсан арьсаа гүйцэд сайн чангаруулаагүйгээс эргээд амархан жин нэмж таргалдаг. Тиймээс бүсгүйчүүд ямар нэг аргаар жингээ хассан тохиолдолд түүнийхээ дараа бассейн, үгүй ядаад хүйтэнд шүршүүрт орж арьсаа чангаруулах хэрэгтэй. Акуа фитнессийн гол давуу тал нь жин хасахаас гадна арьсыг маш сайн чангалж өгч байгаа учраас эргэн таргалах магадлал тун бага.
-Танайх усан бассейнийхаа ариун цэврийн шаардлагыг хэрхэн хангасан бэ?
-Манай фитнесст явах гэж байгаа хүмүүс юуны түрүүнд эрүүл мэндийн шинжилгээ өгдөг. Түүний дараа ямар нэг өвчингүй,, эрүүл гэсэн оношийг үндэслэн сургалтандаа бүртгэж авдаг.
Мөн насанд хүрсэн бүх эмэгтэй ариун цэврийн хамгаалалт хийж ордог байгаа. Үүнээс гадна бассейний ус маань озонжуулсан ус учраас хүний арьсанд сөрөг нөлөө байхгүй, харин ч бүр арьсыг нөхөн төлжүүлж, язралыг арилгадаг маш сайн талтай.
-Азонжуулсан ус гэдгийг тайлбарлавал?
-Энгийн үгээр хэлбэл эмчилгээний зориулттай, хүчилтөрөгчөөр баяжуулсан ус гэсэн үг л дээ. Үүгээрээ Улаанбаатар хотын бүх бассейнаас ялгарах нэг онцлогтой юм. Бусад бассейн хлороор ариутгал хийдэг учраас арьс хуурайшуулах срөгө нөлөөлтэй байдаг. Харин озон бол арьсыг чийглэг зөөлөн болгодог.
-Танай төвд хэдээс хэдэн насны хүн явж байна? Ер нь эрэгтэй хүн усан фитнессэр хичээллэж байх юм уу?
-Насны хувьд хамгийн бага нь 7 настай, дээд тал нь 60 настай хүн хичээллэж байгаа. Эрэгтэй хүмүүс манайд явдаг. Зарим эмэгтэйчүүд нөхөртэйгээ хамт дасгалд явдаг.
-Нэг удаагийн хичээлд хэдэн хүн ордог вэ?
-Манай бассейн сэлэхэд зориулагдсан учраас багтаамжийн хувьд хангалттай. Нэг удаад 10-аад хүн хамт хичээллэдэг .
-Хичээлийн цагийн хувьд?
-Ажил төрөлтэй, цаг зав муутай хүмүүст зориулсан оройн анги , мөн оюутан сурагч, гэрийн эзэгтэй нарт зориулсан өглөө өдөр оройн ангиуд ч бий. Ер нь хичээлийн цагаа хүссэнээрээ сонгоод явах бүрэн боломжтой.
-Акуа фитнессээр хичээллэх гэж байгаа хүмүүст хэлэх зүйл гэвэл?
-За ингээд манай усан фитнесээр хичээллэх гэж байгаа хүмүүс юуны түрүүнд эрүүл мэндийн үзлэгт орох хэрэгтэй, мөн салангад усны хувцастай байх ёстой. Хэрвээ та бүхэн усны хувцас хайж явах завгүй бол манай төв дээр худалдаалж байгаа хувцаснаас сонгон авах боломжтой гэдгийг хэлье. Эрүүл зөв аргаар турахыг хүсэж байгаа бүх хүнд амжилт хүсье.
