Швейцарийн Самнаун хотод “Этгдээд Санта Клаус” нарын дэлхийн аварга шалгаруулах тэмцээн болсон байна.  Дэлхийн өнцөг булан бүрээс ирсэн Санта Клаусууд хурд, авхаалж самбаа, мэдлэг оюун, хувцаслалт зэргээрээ өрсөлдсөн байна. Тэд чаргаар гулгах, цамхаг дээр авирч гарах, хамгийн олон бэлэг түүж морин тэргэнд цуглуулах, модон морь унах, бүжиглэх, асуултанд хариулах зэргээрээ өрсөлдсөн байна. Санта Клаус нэг шөнө маш олон газар очиж бэлэг тараадаг учир тэдний газар зүйн мэдлэг, тэр тусмаа дэлхийн алдартай газруудын мэдлэгийг шалгасан байна. 4 хүний бүрэлдэхүүнтэй 17 баг тамирчид хурд, авхаалж самбаагаараа өрслөдөн сүүлийн шатанд Швейцарийн “Аувер Клаус” баг түрүүлж дэлхийн аварга болсон байна. Харин “Шонги Клаус”  нэртэй Швейцарийн баг 1 оноогоор хожигдож удаах байранд оржээ. Тэмцээний дундуур багууд парадаар алхаж, этгээд дэгжин үзүүлбэрүүд үзүүлсэн байна. Тэмцээн өндөрлөсний дараа оролцогчид Санта үдэшлэгт очицгоосон байна. Тэмцээний гол зорилго нь Шинэ жилийн баярын уур амьсгалыг авчирч оролцогчид хоорондоо танилцаж, нөхөрлөхөд оршсон байна.       
Shuum.mn