Эдийн засгийн байнгын хорооны өчигдрийн хуралдаанаар "Монгол Улсын Эрдэнэсийн гүйлгээний сангийн 2011 оны орлого, зарлагын тухай" Улсын Их Хурлын тогтоолын төслийн анхны хэлэлцүүлгийг хаалттай хийлээ.
Үүний дараа Эрчим хүчний тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийв. Төслийг эцсийн хэлэлцүүлэгт бэлтгэсэн ажлын хэсгийн танилцуулгатай холбогдуулан асуулт асууж, санал хэлэх гишүүн байсангүй. Хуулийн төслийн эцсийн хэлэлцүүлгийг чуулганы нэгдсэн хуралдаанаар хийн батлах нь зүйтэй хэмээн Байнгын хороодын гишүүдийн олонхи үзсэнээр өнөөдрийн хуралдаан өндөрлөлөө.