Арабын нэгдсэн эмират улсын Дубай хотод 1-р ангилалын моторт завины дэлхийн аварга шалгаруулах тэмцээн боллоо. Тэмцээнд Норвеги, Итали болон бусад Арабын орнуудын нийт 14 багийн тамирчид оролцож, хурд хүчээ сорьсон байна.  Тамирчид 12 тойрог буюу 90 гаруй км замыг туулж уралдсан байна. “Катарын хийморь-96” нэртэй баг анхнаасаа тэмцээнийг хошуучилж байсан боловч, моторт завинд нь цахилгааны гэмтэл гарч түрүүгээ алдсан байна. Нийлбэр дүнгээр 1-р ангилалын  зэрэглэлийн моторт завины АНЭУ-ын Ариф Ал Зафий болон Мохамед Ал маригийн “Ялалт-3” нэртэй баг аваргалсан бол удаах байранд “Катарын Хийморь- 96” нэртэй баг орсон байна.  Харин Ойрхи Дорнодын аварга шалгаруулах тэмцээнд мөн  “Ялалт-3”  түрүүлсэн бол “Абу Даби” нэртэй баг 42 оноогоор удаалсан байна. 1-р ангилалын моторт завь нь 5 тонн жинтэй, 14 метр урт, 3.5 метр өргөн, 850 морины хүчтэй V-12 хөдөлгүүртэй маш хурд хүчтэй, 260 км/цаг хүртэл хурдалж чаддаг завь юм.
Shuum.mn