Үндэсний хэмжээний хамгийн олон уншигч, захиалагчтай 7 хоног тутмын шилдэг сэтгүүл TV ZONE-ий “Шинэ жилийн баяр”-ын өмнөх дугаар уншигч таны гэрт зочилж байна. Шинэ оноо сэтгэл догдлон хүлээн суугаа уншигч танд шинэ дугаарынхаа хөтчийг хүргэе.

Чимэглэн гоёсон гацуур мод хойморьт гэрэлтэж, бяцхан багачууд баярын бэлгээ гайхуулан гүйлдэх халуун дулаан гэр бүлд тань аз жаргал, баяр хөөрийг авчрах “Шинэ жилийн баяр” ойртсоор. Яг энэ мөчид TV ZONE сэтгүүлийн шинэ дугаар дуучин Селигийн баярын мэндчилгээний хамтаар танай гэрт айлчлан ирлээ. Дугаарын зочны маань чин сэтгэлийн инээмсэглэл танд шинэ жилийн  аз, амжилтыг дагуулан ирж байна. 
Сэтгүүлээ нээгээд хамгийн түрүүнд уншдаг Шар хуудаснаа шинэ цагийн морины дууч хэн болохыг танилцуулж байна. Мөн дээр нь өрсөлдөгчид биш биенээ хурцлагч охидын хамтлагуудын шинэ оны төлөвлөгөөг сонирхуулж байна. Кёкүшюзан продюсерын урлагт хүчээ үзэж, мэргэжлээ солино гэнэ шүү, эх дэлхийн тайзнаа эх орноо төлөөлөн хэн гарах гэж байгааг “шар хуудас” дуулгаж байна.

    Уншигч бүрийн заавал унших сэдвүүдийн нэг болсон “Энэ сэдвээр” булан. Энэ дугаарт үр хүүхдээ замын хөдөлгөөнд хараа хяналтгүй оролцуулахын үр дагаврын талаар “Хөтөлсөн гараа бүү тавь” хэмээх гарчгийн дор хөндлөө. Эцэг, эхчүүд та бүхэн сэтгүүлч У.Дашбатын бичсэн уг нийтлэлээс нэгийг тунгаана биз.
    Хэдэн сар үзэгчдийг телевизийн өмнөөс босгоогүй нэвтрүүлэг бол UBS телевизээс зохион байгуулсан “To be or not to be” театрчилсан реалити шоу. Энэхүү шоуны хамгийн оргил үе болох шилдгийн шилдэг ялагчаар хэн шалгарсныг зөвхөн TV ZONE сэтгүүлээс уншаарай. 
    Уншигч тантай учран золгож байгаа энэ дугаар шинэ жилийн баярын өмнөх дугаар билээ. Тийм болохоор шинэ жилийн тансаг будалтыг хэрхэн өөрөө цогцлоох болон нэгэн хэвийн гацуур модноос татгалзаж, өөрийнхөө шинэ оныг угтах олон сонирхолтой мэдээлэл зөвлөгөө багтсан байгааг та зөвхөн энэ дугаараас унших боломжтой.
    Гэр бүлийн гишүүн бүрт манай сэтгүүлийн мэдээлэл зориулагдсан байдаг. Гэрийн эрчүүдэд сүүлийн үеийн спортын мэдээ, гэрт гэгээ татах эмэгтэйчүүдэд энэ өвлийн малгайн чиг хандлагын талаар, бяцхан жаалууддаа буддаг зураг, төөрдөг байшин, онигоо, сканворд, үгийн сүлжээ зэрэг олон сонирхолтой булангаа бэлтгэлээ.
Хамгийн гол нь таны зав цагийг хэмнэх орос, монгол телевизүүдийн хөтөлбөрүүд ч энэ долоо хоногийн зурхай, цаг агаарын мэдээний хамт цогцоороо багтлаа. Телевизийн шинэ жилийн баярын нэвтрүүлгүүдээ үзэгч танд хүргээд эхэлснийг дуулгая.

TV ZONE-оо гэр бүлийн гишүүнээр сонгосонд баярлалаа.