Пакистаны Ерөнхийлөгч Асиф Али Зардари АНЭУ-д эмчилгээ хийлгэхээр гэнэт явсны дараа буюу 12 дугаар сарын эхээр цэргийн эргэлт хийх гэж байгаа тухай цуу яриа анх гарсан байна.

Өнгөрсөн долоо хоногийн даваа гарагт тэрбээр нутаг буцаж ирсэн, гэвч улс орон нь тогтвортой болсон гэвэл үнэнд нийцэхгүй. Пакистаны Ерөнхийлөгч нутаг буцаж ирээд Исламабад бус харин Карачи дахь өргөөндөө очсон байна.

Өнгөрсөн долоо хоногийн пүрэв гарагт төрийн тэргүүн нийслэлд ирэх үед иргэний эрх баригчдад ноцтой аюул тулгарч байгааг шинжээчид дурдаж байжээ. Одоо нэг талаас цэргийнхэн, нөгөө талаас засгийн газар-ерөнхийлөгчийн хооронд илэрхий сөргөлдөөн бий болоод байна.

Пакистанд цэргийн эргэлт болохоос урьдчилан сэргийлэхэд тусалбал АНУ-тай нягт хамтран ажиллахад бэлэн гэдгээ төрийн тэргүүний амлалт бүхий баримт бичиг ил болсон нь сөргөлдөөн гарахад хүргэжээ. Ийм баримт бичиг гаргаснаараа Ерөнхийлөгч улс орноо болон улсынхаа зэвсэгт хүчнийг гутаалаа гэж хүчнийхэн үзэж байгаа аж.

Пакистаны сайд нарын одоогийн танхимын бүрэн эрхийн хугацаа 2013 онд дуусах юм.

З.Амгалан