“Нисванис” хамтлагийн дуучин Л.Энх-Амгалан хамтлагийнхаа тухай ном бичиж, худалдаанд гаргасан нь эрэлт ихтэй байгаа ажээ. Хамтлагууд дундаас хамгийн анх өөрсдийнхөө амьдрал уран бүтээлийг ном болгон бүтээснээрээ онцлог болж чадсан. Тус хамтлагийн ахлагч Л.Энх-Амгалан дуулахаас гадна шүлэг, дууны үг бичиж, хөтлөгч хийнэ гээд олон зүйлд өөрийнхөө чадварыг гайхуулж чаддаг нэгэн.

Тэрбээр саяхан “Бидний түүх” нэртэй дууны шүлэг бичиж хамтлагынхаа урын санг нэг бүтээлээр нэмжээ. Энэхүү шүлгэнд нь “Guys” хамтлагийн дуучин А.Төгсбаяр ая зохиож, клипийг “Fantastic” продакшн бүтээжээ. “Нисванис” хамтлагын “Бидний түүх” хэмээх шинэ уран бүтээлийн санаа нь монголчууд бидний түүх ажээ. Өнгөрсөн онд ийнхүү сонирхолтой бэлэг бэлдсэн “Нисванис” хамтлагын ахлагч Л.Энх-Амгалан шинэ оныхоо анхны өдөр хамтлагаараа завгүй ажил ихтэй яваа гэнэ.
“Нисванис” өмнөх оныхоос илүү гоё бэлэг фенүүддээ барих гэж байгаа ажээ.

В.Нэргүй
Монголын үнэн