Хамгийн сүүлд гаргасан судалгаагаар дэлхийн хэмжээнд ихэр хүүхдийн төрөх давтамж ихэсч байгаа юм байна. АНУ-ын хэмжээнд 1980-аад онд 53 хүүхдийн нэг нь ихэр төрдөг байсан бол одоо 30 төрөлтийн 1 нь ихэрлэж байна. Судлаачдын үзэж байгаагар ихэр хүүхдийн төрөлт ихсэх болсон 2 үндсэн шалтгаан байна. Эхнийх нь эмэгтэйчүүд орой гэрлэж, хожуу хүүхэдтэй болдог болсон. Нөгөөх нь эмэгтэйчүүд зохиомлоор үр суулгадаг болсон гэсэн 2 шалтгаанаар ихэр хүүхдийн төрөлт нэмэгджээ. Ихэр хүүхэд төрөх нь зөвхөн АНУ ч биш Хонконгод мөн нэмэгджээ. Хонконгийн иргэн Эва Леун 35 настайдаа Беки болон Софи гэсэн 2 ихэр охиноо төрүүлжээ. Эва Леун нөхрийнхөө хамтаар хүүхэдтэй болох гэж олон жил оролдсон боловч үр тогтоогүй байна. Аргаа барсан хос FERTILITY буюу өндгөн эсэндээ зохиомлоор үр суулгажээ.  Норт Вестэрн Их сургуулийн профессор, ихэр төрөлтийг судалдаг эмч Луис Кийт өөрөө ихэр бөгөөд ээж нь ихрийн удамтай юм байна. Түүнийг ээж нь 1935 онд төрүүлсэн. Тэр үед 90 төрөлтийн нэгэнд ихэр төрөлт тохиолддог байжээ. Луис Кийтийн судласнаар зохиомол үр тогтоох аргаас болж ихрүүдийн төрөлт ихсээгүй юм байна. Харин эмэгтэйчүүд 35 хүрч байж хүүхэдтэй болдог болсон нь ихрүүдийн давтамжийг нэмж байгаа аж. 30-аас дээш насны эмэгтэйчүүдийн ихэр хүүхэд төрүүлэх магадлал 20 гаруй насны эмэгтэйчүүдийнхээс өндөр байдаг. Гэхдээ 30 гарсан эмэгтэйчүүдийн үр тогтох магадлал буурдаг байна. Мөн 30-аас дээш насны эмэгтэйчүүд нэг өндгөн эсийн бус харин 2 өөр өндгөн эсийн ихэр хүүхдэтэй болох магадлал өндөр байдаг. 1 өндгөн эсийн ихрүүд эхийнхээ нэг өндгөн эсэнд 2 уулаа бойждог учир усны дусал шиг адилхан төрдөг бол 2 өөр өндгөн эсийн ихрүүд голдуу хүйс өөр байх, эсвэл өөр төрхтэй байдаг байна. Сонирхуулж хэлэхэд 40-өөс дээш насны эмэгтэйчүүдийн ихэр хүүхэдтэй болох тохиолдол 200 хувиар өссөн гэсэн судалгаа байдаг байна. Ихрүүд заримдаа адилхан зан авир авьяас билэгтэй байдаг.  Дэлхийд олны танил болсон хүмүүсээс дурьдвал Польшийн ерөнхийлөгч Лек Казински ихэр байсан. Тэд хоёулаа Польшийн шилдэг улс төрчид байсан. Рок н Роллын хаан Элвис Пресли ихэр байсан. Гэхдээ түүний ихрийн өрөөсөн Жеси төрөхдөө нас барсан учир хүмүүс төдийлөн мэддэггүй. Бразилын алдарт загвар өмсөгч Жизел Банчен ихэр гэдгийг хүмүүс тэр болгон мэддэггүй.  Тэгэхээр та ч гэсэн таньж мэддэг эргэн тойрныхоо ихэр хүмүүсийг сайн ажиглаж болох нь ээ.     
Shuum.mn