Жүжигчин Колин Ферт Нэгдсэн Вант Улсын одонгоор шагнуулсан тухай «The Sun» сонин мэдээлжээ. Тэрбээр Уэльсийн хунтайж Чарльзаас одонгоо гардан авсан байна. Хунтайж Чарльз зургадугаар Георг хааны ач хүү билээ. 2010 оны намар дэлхийн кино театруудын дэлгэцнээ гарсан «Хаан ярьж байна!» кинонд Георг хааны дүрийг Ферт бүтээсэн юм. Уг кино нэр хүндтэй хэд хэдэн шагнал, тухайлбал, «Оскар»-ын «Шилдэг кино»-ны шагнал хүртсэн байна. Ферт өөрөө Америкийн кино академиас «Шилдэг жүжигчин»-ий шагнал хүртжээ.
Түүний хамгийн сүүлд тоглосон, найруулагч Томас Альфредсоны «Тонил, тагнуулчаа!» кино «Оскар»-ын гурван төрөлд нэр дэвшээд байна.
Одоо Ферт ах, дүү Коэны кино зохиолоор Майкл Хоффманы найруулсан гэмт хэргийн сэдэвтэй «Гамбит» гэдэг инээдмийн кинонд тоглож байна.

З.Амгалан
МОНЦАМЭ