“Ээж ээ” мелодрам жүжгээр энэ сарынхаа үзвэрийн нээлтийг хийх Улсын драмын эрдмийн театрын уран бүтээлчид домогт Ану хатны тухай жүжгийг дөрвөн удаа тоглохоор төлөвлөжээ. Сэтгүүлч Б.Шүүдэрцэцэгийн зохиолоос сэдэвлэсэн “Ану хатан” жүжгийг 4, 5, 25, 26-ны өдөр тоглох ажээ. Мөн үүнээс гадна “Тэнгэрийн хүү”‘ жүжгийг 11, 12-ны өдөр тоглох аж. Зохиолч Д.Мэндсайханы бичсэн Модун Шаньюн үеийн түүхээс өгүүлсэн энэ жүжиг нь өнгөрөгч оны шилдэг бүтээлээр шалгарсан юм.
Залуу жүжигчдээр цус сэлбэсэн тус театрынхаа “Гэгээн Валентины өдөр”-өөр буюу энэ сарын 13, В.Хюгогийн “Парисын дарь эхийн сүм”, 14-нд В.Красногоровын “Хайрын домог” зэрэг жүжгээр залууст бэлэг барих гэнэ.