Америкчууд “Супер Боул” буюу Америк хөлбөмбөгийн холбооны аварга шалгаруулах тэмцээний финалын тоглолтоо үзээд завгүй байх зуур Карибын тэнгисээс Бразил хүртэлх Латин Америкийн орнууд удахгүй болох карнавалдаа бэлдээд завгүй байна. Латин Америкийн багт наадам Карнавал нь тэдний үндэсний уламжлалт баяр бөгөөд дэлхийн хамгийн их хүн оролцдог наадамд тооцогддог. Бразилд бүр самба бүжгийн сургууль хүртэл байдаг бөгөөд тэд хаврын карнавалд зориулж бэлтгэл сургуулилт хийдэг байна. Бразилд дэлхийн хамгийн том карнавал болдог, Бразилын дээд хэсэгт оршдог Тринидад хэмээх жижиг улсад 2 дахь том багт наадам зохиогддог байна. Зохион байгуулагчид багт наадмын хувцас болон бусад эдлэлүүдэд зориулж хэдэн мянган доллар зарцуулдаг. Мөн олон сая жуулчид багт наадмыг үзэхээр Латин Америкийн орнуудыг зорьдог байна. Тринидадын карнавалд оролцогсод өмссөн зүүсэн болон бүжгээрээ хоорондоо өрсөлдөж багахан хэмжээний тэмцээн болдог аж. Бразил  болон Тринидад улсуудад урд нь нутгийн уугуул болон Африкаас аваачсан боолууд амьдарч байсан учир эдгээр үндэстнүүдийн ёс уламжлал холилджээ. Зөвхөн багт наадамд оролцохын тулд бүжигчид дунджаар 600-700 долларыг хувцас хэрэглэлдээ зарцуулдаг. Нэг ёсны хамгийн их хүн оролцдогоос гадна хамгийн үнэтэй багт наадамд зүй ёсоор тооцогддог байна.
Shuum.mn