Энэ жилийн Хамгийн тачаангуй 99 бүсгүйг шалгаруулдаг жагсаалтыг София Вергара тэргүүллээ. Тэрбээр өнгөрөгч онд уг жагсаалтын гуравт бичигдэж байсан юм. 11 дэх жилдээ гарч буй уг жагсаалтыг тодруулахад оролцогчид Женнифер Энистон, Анжелина Жоли зэрэг хуучны одуудаас өөр дүр төрхийг сонгосон байна. Тухайлбал, энэ онд санал асуулгад оролцогчид “Виктория Секрет”-ийн загвар өмсөгч Миранда Керр, реппер Никки Минаж, жүжигчин Эмма Стоун, Скарлетт Йоханссон зэрэг шинэ залуу оддыг сонгожээ. Дашрамд дурдахад залуу дуучин Рианна уг жагсаалтын есдүгээр байрыг эзэлсэн бол жүжигчин, загвар өмсөгч Ким Кардашян наймдугаар байрт бичигджээ.