Нэгэн цагт ээжийнхээ монетон ээмгийг ломбарданд тавин байж анхныхаа дууг бичүүлж байсан дуучин Т.Баясгалан оюутны ширээний араас холдож овоо хэдэн дуутай болмогцоо “Би монголын хамгийн баян эмэгтэй дуучин болно” хэмээн ам гарсан гэдэг. Үүний дараа С.Жавхлан, Т.Баясгалан гэх залуус моданд орж тэдний дууг амандаа аялахгүй хүнгүй болсноор “Монголын хамгийн баян эмэгтэй дуучин” болох мөрөөдөл нь биелэж эхэлжээ. Харин хожим нь сумоч Д.Батбаяртай сууснаар түүний “хамгийн баян” гэх мөрөөдөл нь нэгмөсөн биелсэн түүхтэй. Харин дуучин бүсгүй өдгөө уран бүтээлээсээ хөндийрөөд байгаа хэдий ч “Хамгийн баян эмэгтэй дуучин” гэдгээ батлахаар бизнесийн салбарт хүч үзсээр яваа юм.
