Хар тамхи, мансууруулах бодисын нөлөөнд хүүхэд, залуучууд хамгийн их өртдөг байна. Ялангуяа найз нөхөдтэйгөө хамт байж байгаад хэрэглэж үзэх, эсвэл хар тамхи хэрэглэж үзэх талаар найз нөхдөөс нь санал ирэх нь их байдаг аж.
Нийслэлийн 9 дүүргийн 34 ерөнхий боловсролын болон их дээд сургууль, коллежийн 12-28 насны 2000 гаруй сурагч, оюутныг хамруулан тандалт судалгаа явуулж үзэхэд 436-д нь буюу бараг дөрөвний нэгд нь хар тамхи мансууруулах бодисыг хэрэглэх санал ирж байсны дийлэнх нь найз нөхдөөс нь ирж байсан гэсэн хариулт өгсөн байна.
Энэ тухай Монгол Улсын Ерөнхийлөгчийн санаачилгаар Иргэний танхимд зохион байгуулсан “Хар тамхи, мансууруулах бодисын аюул, урьдчилан сэргийлэх, таслан зогсоох арга зам” сэдвийн дор болсон нээлттэй уулзалтын үеэр Нийслэлийн эрүүл мэндийн газрын төслийн зохицуулагч Д.Ганцэцэг хийсэн танилцуулгадаа дурдсан юм. Мөн судалгаагаар хар тамхины хэрэглээ хэсэг бүлэг хүмүүсийн дунд биш нийтлэг байдлаар тархаж эхэлсэн байна гэсэн дүгнэлт хийж болохоор байгаа аж.
Түүнчлэн хар тамхинд өртсөн тохиолдолд эмчилгээний үр дүн ердөө тавхан хувь байдаг эдгэшгүй өвчин аж. Тиймээс л хар тамхинаас урьдчилан сэргийлэх үйл ажиллагааг цаг алдалгүй эрчимжүүлэх шаардлагатай болсон гэдгийг төслийн зохицуулагч хэлж байлаа. Гэхдээ ийм дүгнэлтийг хууль, хяналтын байгууллагынхан ч хэлж байна. Эрүүгийн цагдаагийн газрын дарга, цагдаагийн хурандаа С.Ганбат дээрх хэлэлцүүлгийн үеэр хийсэн танилцуулгадаа энэ он гарсаар 22 холбогдогчтой 4 хэрэг илэрсэн гэдгийг бүртгэсэн нэг хэргийн ард илрээгүй 10 хэрэг байдаг гэсэн тооцоо байдаг учир одоо урьдчилан сэргийлэх арга хэмжээнд гол анхаарлаа хандуулдах ёстой гэдгийг хэлж байлаа.
Эрүүгийн цагдаагийн газрын даргын хэлж байгаагаар ийм төрлийн гэмт хэрэгт хүүхэд залуучууд өртдөгийн дээр үндэстэн дамнасан зохион байгуулалттай болох төлөвтэй байгаа аж. Түүнчлэн twitter, facebook-ээр дамжуулан эсвэл хуурах, мөнгө амлах зэргээр уруу татдаг байна.
Дээрх хэлэлцүүлэгт Монгол Улсын Ерөннийлөгч Ц.Элбэгдорж оролцон байр сууриа илэрхийлсэн юм. Тэрбээр “Хар тамхины хэргээр шүүхээс ял сонссон этгээдэд Монгол Улсын төрөөс өршөөл үзүүлэхгүй. Хөрөнгөтэй мөнгөтэй, ядуу гуйлгачин, дуучин, жүжигчин, мэргэлдэг, настай, залуу хэн ч байсан хар тамхины хэрэгт орооцолдсон бол өршөөл байхгүй. Тийм ч учраас Эрүүгийн хуульд өөрчлөлт оруулж хар тамхины хэрэгт орооцолдсон этгээдийг хүний амь егүүтгэсэн хүнтэй адил хэмжээнд үзэж, ял эдлүүлнэ. Авсан ял, өгсөн шийтгэлийг дуустал эдлүүлэх болно” гэлээ. Мөн гурван зүйлийг төрийн тэргүүн анхааруулан захилаа.
Тэрбээр, нэгдүгээрт Монгол Улсын иргэн бүр сэрэмжтэй бай. Хар тамхи бол Монголын хаалгыг тогшилгүй орж ирсэн тул өрх бүр, иргэн бүр сэрэмжтэй байх ёстой. Энэ аюул хэнд ч тохиож болох тул ийн урьдчилан анхааруулах шаардлага байна. Хоёрдугаарт, үр хойчоо хар тамхинаас хол байхыг эцэг, эхчүүд үе үеийн захиас болгохыг хүсч байна. Гуравдугаарт, хар тамхины хэрэгт орооцолдсон бол төрийн өршөөл байхгүй, хууль улам чангарна гэдгийг анхааруулсан юм.
Хар тамхи бол үндэсний аюулгүй байдал, иргэдийн амар тайван амьдрал, өрх гэрийн аз жаргалыг үгүй болгодог тул Монгол Улсын иргэн бүр энэ аюулаас сэрэмжтэй явах ёстой болж буй юм. Өнөөдрийн байдлаар Афганистан улс дэлхийн хар тамхины хэрэглээний 50 хувийг нийлүүлдэг гэсэн судалгаа байдаг аж. Мөн НҮБ-ын судалгаагаар дэлхий дээр 210 сая хүн хар тамхи, мансууруулах бодис хэрэглэдэг гэсэн тоо гарсан байна.
Дээрх уулзалтад Үндэсний аюулгүй байдлын зөвлөл, Хууль зүй, дотоод хэргийн яам, Эрүүл мэндийн яам, Гадаад харилцааны яам, Боловсрол, соёл, шинжлэх ухааны яам, Байгаль орчин, аялал жуулчлалын яам, Гаалийн ерөнхий газар, Тагнуулын ерөнхий газар, Хил хамгаалах ерөнхий газар, Цагдаагийн ерөнхий газар, мөн холбогдох чиглэлээр үйл ажиллагаа явуулдаг төрийн бус байгууллагууд, хэвлэл мэдээллийнхэн, их дээд сургуулиудын багш, эрдэмтэн судлаачид, оюутан залуусын төлөөлөл оролцлоо.
Нийслэлийн 9 дүүргийн 34 ерөнхий боловсролын болон их дээд сургууль, коллежийн 12-28 насны 2000 гаруй сурагч, оюутныг хамруулан тандалт судалгаа явуулж үзэхэд 436-д нь буюу бараг дөрөвний нэгд нь хар тамхи мансууруулах бодисыг хэрэглэх санал ирж байсны дийлэнх нь найз нөхдөөс нь ирж байсан гэсэн хариулт өгсөн байна.
Энэ тухай Монгол Улсын Ерөнхийлөгчийн санаачилгаар Иргэний танхимд зохион байгуулсан “Хар тамхи, мансууруулах бодисын аюул, урьдчилан сэргийлэх, таслан зогсоох арга зам” сэдвийн дор болсон нээлттэй уулзалтын үеэр Нийслэлийн эрүүл мэндийн газрын төслийн зохицуулагч Д.Ганцэцэг хийсэн танилцуулгадаа дурдсан юм. Мөн судалгаагаар хар тамхины хэрэглээ хэсэг бүлэг хүмүүсийн дунд биш нийтлэг байдлаар тархаж эхэлсэн байна гэсэн дүгнэлт хийж болохоор байгаа аж.
Түүнчлэн хар тамхинд өртсөн тохиолдолд эмчилгээний үр дүн ердөө тавхан хувь байдаг эдгэшгүй өвчин аж. Тиймээс л хар тамхинаас урьдчилан сэргийлэх үйл ажиллагааг цаг алдалгүй эрчимжүүлэх шаардлагатай болсон гэдгийг төслийн зохицуулагч хэлж байлаа. Гэхдээ ийм дүгнэлтийг хууль, хяналтын байгууллагынхан ч хэлж байна. Эрүүгийн цагдаагийн газрын дарга, цагдаагийн хурандаа С.Ганбат дээрх хэлэлцүүлгийн үеэр хийсэн танилцуулгадаа энэ он гарсаар 22 холбогдогчтой 4 хэрэг илэрсэн гэдгийг бүртгэсэн нэг хэргийн ард илрээгүй 10 хэрэг байдаг гэсэн тооцоо байдаг учир одоо урьдчилан сэргийлэх арга хэмжээнд гол анхаарлаа хандуулдах ёстой гэдгийг хэлж байлаа.
Эрүүгийн цагдаагийн газрын даргын хэлж байгаагаар ийм төрлийн гэмт хэрэгт хүүхэд залуучууд өртдөгийн дээр үндэстэн дамнасан зохион байгуулалттай болох төлөвтэй байгаа аж. Түүнчлэн twitter, facebook-ээр дамжуулан эсвэл хуурах, мөнгө амлах зэргээр уруу татдаг байна.
Дээрх хэлэлцүүлэгт Монгол Улсын Ерөннийлөгч Ц.Элбэгдорж оролцон байр сууриа илэрхийлсэн юм. Тэрбээр “Хар тамхины хэргээр шүүхээс ял сонссон этгээдэд Монгол Улсын төрөөс өршөөл үзүүлэхгүй. Хөрөнгөтэй мөнгөтэй, ядуу гуйлгачин, дуучин, жүжигчин, мэргэлдэг, настай, залуу хэн ч байсан хар тамхины хэрэгт орооцолдсон бол өршөөл байхгүй. Тийм ч учраас Эрүүгийн хуульд өөрчлөлт оруулж хар тамхины хэрэгт орооцолдсон этгээдийг хүний амь егүүтгэсэн хүнтэй адил хэмжээнд үзэж, ял эдлүүлнэ. Авсан ял, өгсөн шийтгэлийг дуустал эдлүүлэх болно” гэлээ. Мөн гурван зүйлийг төрийн тэргүүн анхааруулан захилаа.
Тэрбээр, нэгдүгээрт Монгол Улсын иргэн бүр сэрэмжтэй бай. Хар тамхи бол Монголын хаалгыг тогшилгүй орж ирсэн тул өрх бүр, иргэн бүр сэрэмжтэй байх ёстой. Энэ аюул хэнд ч тохиож болох тул ийн урьдчилан анхааруулах шаардлага байна. Хоёрдугаарт, үр хойчоо хар тамхинаас хол байхыг эцэг, эхчүүд үе үеийн захиас болгохыг хүсч байна. Гуравдугаарт, хар тамхины хэрэгт орооцолдсон бол төрийн өршөөл байхгүй, хууль улам чангарна гэдгийг анхааруулсан юм.
Хар тамхи бол үндэсний аюулгүй байдал, иргэдийн амар тайван амьдрал, өрх гэрийн аз жаргалыг үгүй болгодог тул Монгол Улсын иргэн бүр энэ аюулаас сэрэмжтэй явах ёстой болж буй юм. Өнөөдрийн байдлаар Афганистан улс дэлхийн хар тамхины хэрэглээний 50 хувийг нийлүүлдэг гэсэн судалгаа байдаг аж. Мөн НҮБ-ын судалгаагаар дэлхий дээр 210 сая хүн хар тамхи, мансууруулах бодис хэрэглэдэг гэсэн тоо гарсан байна.
Дээрх уулзалтад Үндэсний аюулгүй байдлын зөвлөл, Хууль зүй, дотоод хэргийн яам, Эрүүл мэндийн яам, Гадаад харилцааны яам, Боловсрол, соёл, шинжлэх ухааны яам, Байгаль орчин, аялал жуулчлалын яам, Гаалийн ерөнхий газар, Тагнуулын ерөнхий газар, Хил хамгаалах ерөнхий газар, Цагдаагийн ерөнхий газар, мөн холбогдох чиглэлээр үйл ажиллагаа явуулдаг төрийн бус байгууллагууд, хэвлэл мэдээллийнхэн, их дээд сургуулиудын багш, эрдэмтэн судлаачид, оюутан залуусын төлөөлөл оролцлоо.
Сэтгэгдэлүүд