Монгол Улсын Засгийн газраас тодорхой шалтгаануудын улмаас махны экспортыг хэсэг хугацаанд хязгаарлах шийдвэр гаргаад байна.
Засгийн газрын 53-р тогтоолд «Дотоодын зах зээлийг хамгаалах, махны хангамжийг тогтворжуулах зорилгоор махны экспортыг 2012 оны 7 дугаар сарын 1-ний өдөр хүртэл түр хугацаагаар хязгаарлахыг Мэргэжлийн хяналтын ерөнхий газрын дарга Р.Содхүүд даалгасугай» гэжээ.
Үндэсний статистикийн хорооноос мэдээлж буйгаар гуравдугаар сарын 7-ны байдлаар 1 кг хонины /ястай/ махны үнэ дунджаар 7043 төгрөг, үхрийн мах /ястай/ 7488 төгрөг, ямааны мах 5400 төгрөг, адууны мах 6250 төгрөг, хонины цул мах 7025 төгрөг, үхрийн цул мах 8213 төгрөгийн үнэтэй байгаа юм. Дээрх тогтоолд зөвхөн махны экспортыг хязгаарлах бус гахай, шувууны мах, загас, загасан бүтээгдэхүүний үйлдвэрлэл, импортыг нэмэгдүүлэх арга хэмжээ авч ажиллахыг ХХААХҮ-ийн сайдад даалгажээ.
Үүнээс гадна нийслэлчүүдийн хаврын хэрэгцээнд зориулж сард 3000 тонн буюу өдөрт дунджаар 100 тонн нэмэлт нөөцийн мах худалдахаар болоод байгаа юм.
Я.Баяраа
МОНЦАМЭ
Засгийн газрын 53-р тогтоолд «Дотоодын зах зээлийг хамгаалах, махны хангамжийг тогтворжуулах зорилгоор махны экспортыг 2012 оны 7 дугаар сарын 1-ний өдөр хүртэл түр хугацаагаар хязгаарлахыг Мэргэжлийн хяналтын ерөнхий газрын дарга Р.Содхүүд даалгасугай» гэжээ.
Үндэсний статистикийн хорооноос мэдээлж буйгаар гуравдугаар сарын 7-ны байдлаар 1 кг хонины /ястай/ махны үнэ дунджаар 7043 төгрөг, үхрийн мах /ястай/ 7488 төгрөг, ямааны мах 5400 төгрөг, адууны мах 6250 төгрөг, хонины цул мах 7025 төгрөг, үхрийн цул мах 8213 төгрөгийн үнэтэй байгаа юм. Дээрх тогтоолд зөвхөн махны экспортыг хязгаарлах бус гахай, шувууны мах, загас, загасан бүтээгдэхүүний үйлдвэрлэл, импортыг нэмэгдүүлэх арга хэмжээ авч ажиллахыг ХХААХҮ-ийн сайдад даалгажээ.
Үүнээс гадна нийслэлчүүдийн хаврын хэрэгцээнд зориулж сард 3000 тонн буюу өдөрт дунджаар 100 тонн нэмэлт нөөцийн мах худалдахаар болоод байгаа юм.
Я.Баяраа
МОНЦАМЭ
