БТСГ-ын мэргэжилтэн Ч.Ба­зар­­сүрэн дасгалжуулагчтай манай паралимпийн жүдочид энэ сарын 21-нд Герман улсыг зорих юм.  Тэд тус улсад гурав хоног үргэлжлэх Германы олон улсын нээлттэй тэмцээний эмэгтэй­чүү­д­ийн 52 кг-д П.Болор­туяа, эрэг­тэйчүүдийн 60 кг-д Б.Ууганхүү, 66 кг-д А.Мөнхбат, 90-д Д.Ганбат, -100-д Д.Очирхуяг нар хүч, ур чадвараа сорино. Тамирчдаас гадна багийн бүрэлдэхүүнд эмч болон албаны хүмүүс багтаж байгаа юм. Уг тэмцээ­ний дараа манай паралимпийн жүдо­чид Францаас ирүүлсэн урил­гын дагуу тус улсад хамтарсан бэлтгэл хийхээр болжээ. Мөн манай жү­дочид харааныхаа ангиллыг тог­тоол­гож, дахин баталгаажуулах юм. Дашрамд сонирхуулахад, манай паралимпийн жүдочид 2012 оны Лондонгийн паралимпийн өмнө гадаадын тамирчидтай хамтарсан бэлтгэл хийж, олон улсын тэмцээнд оролцож байсан тохиолдол байгаа­гүй билээ.

Д.Өлзий
МОНЦАМЭ