ОХУ-ын нэг тонн нефтийн экспортын татварыг 49,5 доллароор өсгөж, 460,7 доллар болгох тухай тогтоолд тус улсын Ерөнхий сайд Владимир Путин гарын үсэг зуржээ. Энэ тогтоол дөрөвдүгээр сарын 1-нээс хүчин төгөлдөр үйлчилж эхэлнэ.
Одоо Орост нефть болон нефтийн бүтээгдэхүүний экспортын татварыг дэлхийн зах зээл дэх нефтийн үнийг суурь болгох замаар «60-66» гэсэн томъёоллоор тооцож байгаа билээ.
Татвар өссөн нь дэлхийн зах зээлд нефтийн үнэ өссөнтэй холбоотой аж.
Европын Холбоо болон АНУ Иранд эдийн засгийн хориг арга хэмжээ авсан, тэрчлэн Иранд цэргийн ажиллагаа явуулж болзошгүй гэсэн болгоомжлолын улмаас нефтийн үнэ өссөн байна.
З.Амгалан
