«Монголын хошин урлагийн жүжигчдийн анхдугаар их наадам» ирэх дөрөвдүгээр сарын 1-нд зохион байгуулна.
Тус наадамд Монголын хошин урлагийн бүх хамтлаг, продакшнууд оролцож үзэгчдэд уран бүтээлээ хүргэхийн зэрэгцээ уран бүтээлчдийн үзэсгэлэнг үзэгч олондоо толилуулна. Мөн Монголд хошин урлагийн үндэс суурийг тавьсан алтан үеийн жүжигчид болох Цэвээнравдан, Дашхүү, Жанчив, Латип, Батзаяа, Батсүх, Сосорбарам, Туяа, Чаминчулуун, Жагдаг нарын олны танил, шилдэг уран бүтээлчиддээ энэ цагийн уран бүтээлчдээс нь хүндэтгэл үзүүлж өнөө үеийн залуу уран бүтээлчдээ урамшуулан шагнах гээд олон олон сонин содон арга хэмжээг зохион байгуулах юм.
