Баянгол дүүргийн нутаг дэвсгэрт байрлах "White House" зочид буудлын хөрөнгө оруулагч БНСУ-ын иргэн Ким Пан Жаныг Интерполоор эрэн сурвалжилж байсны дагуу манай Эрүүгийн цагдаагийхан өнгөрөгч сард баривчилж "Цагдан хорих" төвд саатуулаад буй.

Эх сурвалжийн мэдээллээр Ким Пан Жаныг зохион байгуулалтай гэмт бүлэглэлийн гишүүн гэдгээр тагнуулыхан шалгана гэсэн мэдээллийг өгч байгаа бол зарим сонин хэвлэлээр их хэмжээний ам.доллар нутгийнхаа нэгэн компаниас шамшигдуулсан хэрэгт түүнийг сэжигтнээр татагдаж байгаа гэсэн мэдээлэл цацагдсан юм.