АНУ, ОХУ-ын Ерөнхийлөгч нарын нууц яриатай холбоотой дуулиан улам газар авсаар байна. АНУ-ын Ерөнхийлөгч Барак Обама “Сонгуулийн дараа би Оростой харьцахдаа илүү уян хатан байна гэдгийг В.Путинд дамжуулаарай” хэмээн ОХУ-ын Ерөнхийлөгч Д.Медведевээс хүссэн талаар бид өмнөх дугаартаа нийтэлсэн. Түүний энэ мэдэгдэл АНУ-ын улстөрчид төдийгүй ард иргэдийн зэвүүцлийг хүргэжээ. Иймээс Обамагийн сул ам түүний улстөрийн карьерыг төгсгөл болгож мэдэх нь.
Барак Обама өөрийгөө зөвтгөхийг оролдож, мягмар гарагт “Сонгуулийн өмнөх тэмцэл болон энэ үеэр дэгддэг шуугианд зэвсэглэлийг хянах асуудлын талаар эргэцүүлж, зөвшилцөхөд тийм ч таатай бус” хэмээн мэдэгдсэн.
Харин Д.Медведев эх орондоо ирээд Обамаг магтсан байна. “Обама бид бие биеэ сонсож сурсан, тэр бол үнэхээр “эвтэйхэн” түнш. Орос, Америкийн харилцаа 11 дүгээр сард АНУ-ын Ерөнхийлөгчөөр хэн сонгогдохоос ихээхэн хамаарна. Ирээдүй зөвхөн хоёрхон хувилбартай. Нэг бол НАТО, АНУ пуужингаа Оросын эсрэг чиглүүлээгүй гэсэн баталгааг Москвад өгнө. Эсвэл бүгд зэвсэглэлээр хөөцөлдөх болно” хэмээн тэрбээр нэмж хэлжээ.
АНУ-ын Конгрессийн доод танхимын спикер Жон Бейнер “Обамаг Өмнөд Солонгосоос эргэж ирсний дараа Пуужингаас эсэргүүцэх системийн /ПЭХС/ талаар юу амласныг нь асууна” хэмээсэн бол Бүгд найрамдах намаас Ерөнхийлөгчийн сунгаанд оролцож байгаа Митт Ромни, Ньют Гингрич нар мөн л ширүүн мэдэгдэл хийсэн. Ялангуяа М.Ромни нэр дэвшсэн өдрөөсөө л Оросын эсрэг байр суурийг баримталж байсан ба “Эмнэг хангал Москваг сургаж өгнө өө” гэж ам гарсан удаатай.
Гэхдээ гол шуугиан Обамаг тойрон эргэлдэж байна. НҮБ дахь АНУ-ын төлөөлөгч асан Жон Болтон “Обамагийн энэ мэдэгдэл ПЭХС-ийн төслийг бараг хаачихлаа. Тэр бүү хэл улс орны үндэсний аюулгүй байдлын асуудлаар ч буулт хийж байж магадгүй” хэмээн мэдэгдэв. АНУ-ын Бүгд найрамдах намынхан бүр “Та нарыг сонсоогүй гэж бодсон үедээ Обама дэлхийн лидерүүдэд юу ярьдаг вэ” гэсэн сурталчилгааны ролик гаргажээ.
Америкийн “BlogSpot”, “BlogSter”, “TheDailyPoint”-д жирийн иргэд санал бодлоо чөлөөтэй илэрхийлж байна. Тэд Ерөнхийлөгчдөө Шоубама гэх хоч өгч, урвагч, хорон санаатай, КГБ-ын туршуул гэх зэргээр бичжээ. Тухайлбал, Эд Моррисей “Обамагийн бодол санаанд юу байгаа бол. Тэр АНУ-ын Ерөнхийлөгчийн сонгуулийн үр дүнд нөлөөл хэмээн Оросыг худалдаж авсан байна. Обама өөрийн төлөвлөгөөгөө америкчуудаас нуудаг хэрнээ оросуудтай хуваалцлаа. Тэгээд оросуудыг сонгуульд нөлөөлөөч гэж гуйжээ. Ингэхэд Обама өөр ямар улсаас өөрийг нь хоёрдугаар шатанд дэмжээч гэж гуйсан бол? Ийм тусламжийн хариуд Обама америкчуудын ямар ашиг сонирхлыг зарах бол?” хэмээн шүүмжлэв.
“The Right Scoop” сайтын блогчид “Обама ер нь оросуудтай нууц гэрээ байгуулж, Америкийн ард түмнийг зарсан байх. Манай ПЭХС-ийг устгаж, Америкийг сул дорой болгох нь. ПЭХС-ийг хааснаар АНУ өөрийнхөө хүзүүнд олс углана. Тэгээд Орос өөрийнхөө ПЭХС-ийг бидний эсрэг чиглүүлнэ” гэж дүгнэжээ. Блогч Эн-Вай-Жино “Обамагаас бүү ай. Түүнийг эрх мэдэлд хүргэсэн нууц хүч л аймшигтай. Тэр бол хорлон сүйтгэх ажил, урвалтаараа марксистуудын хүүхэлдэй Обамагаас ч хавьгүй давуу” гэсэн бол өөр нэг нь “Обама улс орондоо улстөрийн хорлон сүйтгэх ажиллагаа явуулдаг. Түүний тухай ихийг олж мэдэх тусам төчнөөн аймшигтай” хэмээв. Констансе “Манай Ерөнхийлөгч Америкийн эсрэг бөгөөд АНУ-ыг өвдөг сөхрүүлэх гэж байна” гэж бичсэн бол Стэндинграунд “Обама дахин сонгогдвол улс орноо юунд хүргэхийг ганц бурхан л мэднэ. Обамагийн ихэрхэг зан үнэхээр хил хязгааргүй” гэжээ.
Энэ талаар АНУ-ын тоймч Ариэль Коэн “Оросын сэдэв манай сонгуульд шийдвэрлэх үүрэг гүйцэтгэхгүй. Ираны эсрэг хориг тавих, цэргийн ажиллагаа явуулахад л Москвагийн байр суурь бидэнд хэрэгтэй. Манай сонгуулийн гол хүчин зүйл нь эдийн засаг. Иймээс Ромни сонгуулийн кампанит ажлынхаа үеэр өөрийн топ менежер, санхүүчийн туршлагаа гайхуулдаг. Энэ л түүний хожлын хөзөр” хэмээлээ.
Ер нь АНУ-ын Бүгд найрамдах нам ОХУ-ын эсрэг байр суурийг тунхагладаг. Энэ талаар ОХУ-ын Төрийн Думын олон нийтийн танхимын тэргүүн Александр Соколов “Бүгд найрамдахчууд сонгуулийн үеэр “Marlboro”-гийн ковбойн дүрд тоглохоор шийджээ. Тэд өөрсдийгөө мундаг залуус гэж үздэг. Тэдний хувьд Америкийнхаас өөр ашиг сонирхол гэж байхгүй” гэсэн байна.
Барак Обама өөрийгөө зөвтгөхийг оролдож, мягмар гарагт “Сонгуулийн өмнөх тэмцэл болон энэ үеэр дэгддэг шуугианд зэвсэглэлийг хянах асуудлын талаар эргэцүүлж, зөвшилцөхөд тийм ч таатай бус” хэмээн мэдэгдсэн.
Харин Д.Медведев эх орондоо ирээд Обамаг магтсан байна. “Обама бид бие биеэ сонсож сурсан, тэр бол үнэхээр “эвтэйхэн” түнш. Орос, Америкийн харилцаа 11 дүгээр сард АНУ-ын Ерөнхийлөгчөөр хэн сонгогдохоос ихээхэн хамаарна. Ирээдүй зөвхөн хоёрхон хувилбартай. Нэг бол НАТО, АНУ пуужингаа Оросын эсрэг чиглүүлээгүй гэсэн баталгааг Москвад өгнө. Эсвэл бүгд зэвсэглэлээр хөөцөлдөх болно” хэмээн тэрбээр нэмж хэлжээ.
АНУ-ын Конгрессийн доод танхимын спикер Жон Бейнер “Обамаг Өмнөд Солонгосоос эргэж ирсний дараа Пуужингаас эсэргүүцэх системийн /ПЭХС/ талаар юу амласныг нь асууна” хэмээсэн бол Бүгд найрамдах намаас Ерөнхийлөгчийн сунгаанд оролцож байгаа Митт Ромни, Ньют Гингрич нар мөн л ширүүн мэдэгдэл хийсэн. Ялангуяа М.Ромни нэр дэвшсэн өдрөөсөө л Оросын эсрэг байр суурийг баримталж байсан ба “Эмнэг хангал Москваг сургаж өгнө өө” гэж ам гарсан удаатай.
Гэхдээ гол шуугиан Обамаг тойрон эргэлдэж байна. НҮБ дахь АНУ-ын төлөөлөгч асан Жон Болтон “Обамагийн энэ мэдэгдэл ПЭХС-ийн төслийг бараг хаачихлаа. Тэр бүү хэл улс орны үндэсний аюулгүй байдлын асуудлаар ч буулт хийж байж магадгүй” хэмээн мэдэгдэв. АНУ-ын Бүгд найрамдах намынхан бүр “Та нарыг сонсоогүй гэж бодсон үедээ Обама дэлхийн лидерүүдэд юу ярьдаг вэ” гэсэн сурталчилгааны ролик гаргажээ.
Америкийн “BlogSpot”, “BlogSter”, “TheDailyPoint”-д жирийн иргэд санал бодлоо чөлөөтэй илэрхийлж байна. Тэд Ерөнхийлөгчдөө Шоубама гэх хоч өгч, урвагч, хорон санаатай, КГБ-ын туршуул гэх зэргээр бичжээ. Тухайлбал, Эд Моррисей “Обамагийн бодол санаанд юу байгаа бол. Тэр АНУ-ын Ерөнхийлөгчийн сонгуулийн үр дүнд нөлөөл хэмээн Оросыг худалдаж авсан байна. Обама өөрийн төлөвлөгөөгөө америкчуудаас нуудаг хэрнээ оросуудтай хуваалцлаа. Тэгээд оросуудыг сонгуульд нөлөөлөөч гэж гуйжээ. Ингэхэд Обама өөр ямар улсаас өөрийг нь хоёрдугаар шатанд дэмжээч гэж гуйсан бол? Ийм тусламжийн хариуд Обама америкчуудын ямар ашиг сонирхлыг зарах бол?” хэмээн шүүмжлэв.
“The Right Scoop” сайтын блогчид “Обама ер нь оросуудтай нууц гэрээ байгуулж, Америкийн ард түмнийг зарсан байх. Манай ПЭХС-ийг устгаж, Америкийг сул дорой болгох нь. ПЭХС-ийг хааснаар АНУ өөрийнхөө хүзүүнд олс углана. Тэгээд Орос өөрийнхөө ПЭХС-ийг бидний эсрэг чиглүүлнэ” гэж дүгнэжээ. Блогч Эн-Вай-Жино “Обамагаас бүү ай. Түүнийг эрх мэдэлд хүргэсэн нууц хүч л аймшигтай. Тэр бол хорлон сүйтгэх ажил, урвалтаараа марксистуудын хүүхэлдэй Обамагаас ч хавьгүй давуу” гэсэн бол өөр нэг нь “Обама улс орондоо улстөрийн хорлон сүйтгэх ажиллагаа явуулдаг. Түүний тухай ихийг олж мэдэх тусам төчнөөн аймшигтай” хэмээв. Констансе “Манай Ерөнхийлөгч Америкийн эсрэг бөгөөд АНУ-ыг өвдөг сөхрүүлэх гэж байна” гэж бичсэн бол Стэндинграунд “Обама дахин сонгогдвол улс орноо юунд хүргэхийг ганц бурхан л мэднэ. Обамагийн ихэрхэг зан үнэхээр хил хязгааргүй” гэжээ.
Энэ талаар АНУ-ын тоймч Ариэль Коэн “Оросын сэдэв манай сонгуульд шийдвэрлэх үүрэг гүйцэтгэхгүй. Ираны эсрэг хориг тавих, цэргийн ажиллагаа явуулахад л Москвагийн байр суурь бидэнд хэрэгтэй. Манай сонгуулийн гол хүчин зүйл нь эдийн засаг. Иймээс Ромни сонгуулийн кампанит ажлынхаа үеэр өөрийн топ менежер, санхүүчийн туршлагаа гайхуулдаг. Энэ л түүний хожлын хөзөр” хэмээлээ.
Ер нь АНУ-ын Бүгд найрамдах нам ОХУ-ын эсрэг байр суурийг тунхагладаг. Энэ талаар ОХУ-ын Төрийн Думын олон нийтийн танхимын тэргүүн Александр Соколов “Бүгд найрамдахчууд сонгуулийн үеэр “Marlboro”-гийн ковбойн дүрд тоглохоор шийджээ. Тэд өөрсдийгөө мундаг залуус гэж үздэг. Тэдний хувьд Америкийнхаас өөр ашиг сонирхол гэж байхгүй” гэсэн байна.
