Москвад Armenia Music Awards шагнал гардуулах ёслолын үеэр францын нэрт жүжигчин Ален Делоны бие нь муудсан байна. Түүнд түргэн тусламж дуудсан гэж шагнал гардуулах ёслолын хэвлэлийн төвд РИА Новости агентлагт мэдээлжээ. “Дараа нь жүжигчний бие сайжирсан ба шагналаа гардаж авсныхаа дараа тэрээр зочид буудал руугаа явсан гэж” хэвлэлийн төвийн ажилтан хэлсэн байна. Хэдхэн өдрийн өмнө түүний бие муудсан ба зүрхний цохилтын хэм алдагдсан учир түүнийг 4-р сарын 4-нд эмнэлэгт хэвтүүлсэн билээ. Эрүүл мэнд нь тааруу байсан ч гэлээ жүжигчин бямба гаригт Москвад нисэж ирэн Armenia Music Awards-ын шагнал гардуулах ёслолд оролцохоор шийдсэн юм. Энэ ёслолын ажиллагаа нь Армен улс болон Бүх дэлхийн арменуудын нутгийн зөвлөлийн хөгжмийн амьдралд тохиолддог маш чухал үйл явдлуудын нэг юм.