МАХН-ын дарга Н.Энхбаярыг өнөө өглөөний 05:55 цагт хүч хэрэглэн баривчлахдаа хамт байсан УИХ-ын дөрвөн гишүүний бүрэн эрхэнд халджээ. УИХ-ын гишүүн О.Чулуунбат, Ц.Шинэбаяр, Улаан, Тэрбишдагва нарыг зодож танхайрснаас Ч.Улаан гишүүний нүдний шил хагарч, Д.Тэрбишдагва гишүүний нүүр хавдсан аж. Баривчилгааны үеэр УИХ-ын гишүүн Ч.Улаан, Ц.Шинэбаяр нарыг сууж байсан дивантай нь хөмрөн дарсан байна. Тэд эмнэлэгт үзүүлэхээр явжээ.
