“Харри Поттер” киноны Хэрмонигийн дүрээр олны хайрыг татах болсон жүжигчин Эмма Ватсон шинэхэн нууцлаг найз залуутай болжээ. Сэтгүүлчдийн асуултад тэрбээр “Найз залуугийнхаа талаар дэлгэрэнгүй зүйл хэлмээргүй байна” хэмээж байсан юм. Хосууд Калифорниад болсон хөгжмийн “Coachella” фестиваль дээр тэврэлдэн, их л дотно байсан нь папарациудын дуранд өртжээ. Эмма Ватсон өмнө нь Америкийн жүжигчин Жонни Саймонстой үерхэж байсан юм. Тэдний хайр сэтгэлд хэвлэлээр цуурах хов жив ихэд муугаар нөлөөлж байгаа хэмээн жүжигчин бүсгүй хэлж байжээ. Британийн Оксфордын их сургуульд Эмма дахин суралцахаар явах үед найз залуу Жонни нь хамт үлдэхээс татгалзсан байжээ. Улмаар тэд салснаас хойш Эмма анх удаа найз залуутай болж байгаа юм.