- Долоо хоногт нэг удаа эхнэр /нөхөр/-өө ажлаасаа оройтож ирэхийг зөвшөөр. Гэхдээ яагаад оройтсон тухай бүү асуу. Өөрөө яасан тухайгаа тайлбарлавал сайн хэрэг, эс тайлбарлавал бүү асууж шалгаагаарай.

- Найз нөхөдтэйгээ уулзах, утсаар ярихад нь ундууцах хэрэггүй. Хүн төрөлхтний амьдралын хамгийн сонгодог хувилбар бол гэр бүлийн нөхөрлөл юм шүү дээ.

- Эхнэр нь найз хүүхнүүдтэйгээ уулзахаар, нөхөр нь биллярьд тоглохоор явах зэргээр амралт болон чөлөөт цагаа тус тусдаа өнгөрөөх хэрэгтэй.

- Тохирсон цагаасаа хайрт чинь хоцорсон тохиолдолд дүргүйцлээ аль болох аятайхан илэрхийлэхийг хичээ. Уурлаж зандрахын оронд ажил гарсан бол утсаар хэлчихгүй дээ хэмээн учирлавал хавьгүй дээр. Тэгвэл хайрт чинь хэдийгээр өөрийг чинь эрх чөлөөнд халдаагүй ч гэсэн буруугаа ухамсарлаж, дараагийн удаа гэр рүүгээ яарах болно.

- Хайртынхаа алхам бүрийг тасралтгүй хянадаг муу зуршлаас хагацаж салахыг хичээ. Үүнээс салахын тулд найрсаг харьцаа уян хатан сэтгэлгээ танд тусална.

/Хань/