Дуучин Нара Мөрөөдлийн театрын жүжигчин Батуушка хоёр хайр сэтгэлийн холбоотой гэгдэж, нэг гэрт амьдарч, жинхэнэ дуулиантайхан амьдарч байсан. Гэсэн ч Батуушка гадаад хэл сурч, галуу шувууны махан хүнстэн болохоор Энэтхэгийг зориод хэсэг таг чиг болсон. Харин эргэж ирээд Наратай хайр дурлалынхаа романсаа үргэлжүүлэлгүй тэр чигтээ салцгаасан гэгддэг юм билээ. Одоо тэд гэмгүй сайн найзууд болсон бөгөөд хэн хэн нь тус тусынхаа ажил уран бүтээлд шамдаж байгаа аж. Түүгээр ч зогсохгүй тэд телевизийн нэвтрүүлгийн талбарт ширүүн өрсөлдөгчид болоод байгаа юм байх.  Нарагийн хувьд саяхан нэгэн шинэ дуу, клипээ олны хүртээл болгосон бол Батуушка Мөрөөдлийн театрын хоёр дахь уран бүтээл “Хайртай бол эргэж хараарай” жүжгийн цагдаагийн дүрийг бүтээж байгаа юм. Тэр завсартаа ТВ 5 телевизээс зохион байгуулдаг “Ододтой бүжиглэе” цэнгээнт шоу нэвтрүүлгийн оролцогчоор тодорч, бэлтгэлээ базааж байгаа сурагтай. Одоогоор бусад оролцогчид нь нууц байгаа боловч дуучин Нара, Батуушка нар хоорондоо ана мана үзэлцэх нь хэдийнэ тодорхой болжээ.
Ш.Булга
www.shuum.mn