Samsung компаниас танилцуулсан шинэ загварын Galaxy утасны дэлгэц 4.8 инч юм байна. Энэ нь гол өрсөлдөгч Apple-ийн iPhone утаснаас илүү том дэлгэцтэй гэсэн үг юм. Шинэ Galaxy нь iPhone 4S–ээс илүү нимгэн, илүү хөнгөн, мөн илүү хурдан гэнэ. Samsung компанийхан өнгөрөгч пүрэв гаригт Лондон хотод хамгийн сүүлийн үеийн ухаалаг гар утсаа танилцуулж, шинэ загвараа гурван долоо хоногийн дараа Европын зах зээлд гаргана гэдгээ мэдэгджээ. Тэгвэл шинэ Галакси утсыг дэлхийн бусад улсуудад зургадугаар сараас эхлэн худалдах юм байна.
Galaxy S3 нь iPhone 4S-ийг бодвол илүү олон дуу хоолой таних програмтай. Жишээ нь та утсаа асаахдаа товчлуурыг нь дардаг байсан бол одоо тэгэх шаардлагагүй болжээ. Galaxy S3–ийг асаахдаа тодорхой үгэн команд хэлэхэд л хангалттай аж.
Samsung компани он гарснаас хойш эхний гурван сарын хугацаанд 5.2 тэрбум долларын орлого олжээ. Энэ орлогын ихэнх нь ухаалаг гар утасны худалдаанаас орж ирсэн байна.
CCS Insight байгууллагын судлаач Бен Вүүд ярихдаа "Самсунг компани Галакси брэндийн олсон нэр хүнд дээр тулгуурлан дараагийн загваруудыг нь гаргаж байна, мөн тэд үүнийгээ Олимпийн наадмыг ивээн тэтгэх ажилтайгаа холбож өгч байна, энэ бол том тоглолт, Samsung Apple –ийн iPhone-ний араас нэхэж байна" гэжээ.
Galaxy S утасны өмнөх загварууд 20 сая гаруй хувь борлогдсон учраас хамгийн сүүлийн загвар нь мөн олон сая хувь зарагдана гэдэгт Samsung компанийхан найдаж байна. Гэхдээ мэргэжилтний хэлснээр шинэ утасны борлуулалт өрсөлдөгч компанийн үйл ажиллагаанаас хамаарч магадгүй юм байна. Бен Вүүд ярихдаа " Apple компани програм, контентын үйлчилгээ талдаа маш сайн, энэ бол Самсунгийн өмнө тулгараад байгаа сорилт, гэхдээ Самсунг энэ утсаараа цочроо өгч байна, шинэ Galaxy S3 нүүрэн хэсэгтээ камертай, дуу хоолой таних програмтай, гэхдээ хоёр компанийн өрсөлдөөн ямар байхыг бид урьдчилан мэдэхгүй" гэжээ.
Samsung, Apple компаниудын харилцаа нилээд ээдрээтэй. Тэд ухаалаг гар утас, таблет компьютерийн зах зээлд өрсөлдөгчид бөгөөд зарим патентын эрхийн асуудал дээр маргаантай байдаг байна. Гэсэн хэдий ч Samsung нь Apple-д чип болон дэлгэц нийлүүлдэг гол компани бөгөөд Apple нь Samsung –ийн гол харилцагчдын нэг ажээ.
Э.АМАР
Galaxy S3 нь iPhone 4S-ийг бодвол илүү олон дуу хоолой таних програмтай. Жишээ нь та утсаа асаахдаа товчлуурыг нь дардаг байсан бол одоо тэгэх шаардлагагүй болжээ. Galaxy S3–ийг асаахдаа тодорхой үгэн команд хэлэхэд л хангалттай аж.
Samsung компани он гарснаас хойш эхний гурван сарын хугацаанд 5.2 тэрбум долларын орлого олжээ. Энэ орлогын ихэнх нь ухаалаг гар утасны худалдаанаас орж ирсэн байна.
CCS Insight байгууллагын судлаач Бен Вүүд ярихдаа "Самсунг компани Галакси брэндийн олсон нэр хүнд дээр тулгуурлан дараагийн загваруудыг нь гаргаж байна, мөн тэд үүнийгээ Олимпийн наадмыг ивээн тэтгэх ажилтайгаа холбож өгч байна, энэ бол том тоглолт, Samsung Apple –ийн iPhone-ний араас нэхэж байна" гэжээ.
Galaxy S утасны өмнөх загварууд 20 сая гаруй хувь борлогдсон учраас хамгийн сүүлийн загвар нь мөн олон сая хувь зарагдана гэдэгт Samsung компанийхан найдаж байна. Гэхдээ мэргэжилтний хэлснээр шинэ утасны борлуулалт өрсөлдөгч компанийн үйл ажиллагаанаас хамаарч магадгүй юм байна. Бен Вүүд ярихдаа " Apple компани програм, контентын үйлчилгээ талдаа маш сайн, энэ бол Самсунгийн өмнө тулгараад байгаа сорилт, гэхдээ Самсунг энэ утсаараа цочроо өгч байна, шинэ Galaxy S3 нүүрэн хэсэгтээ камертай, дуу хоолой таних програмтай, гэхдээ хоёр компанийн өрсөлдөөн ямар байхыг бид урьдчилан мэдэхгүй" гэжээ.
Samsung, Apple компаниудын харилцаа нилээд ээдрээтэй. Тэд ухаалаг гар утас, таблет компьютерийн зах зээлд өрсөлдөгчид бөгөөд зарим патентын эрхийн асуудал дээр маргаантай байдаг байна. Гэсэн хэдий ч Samsung нь Apple-д чип болон дэлгэц нийлүүлдэг гол компани бөгөөд Apple нь Samsung –ийн гол харилцагчдын нэг ажээ.
Э.АМАР
