Сөрөг намын удирдагч, ардчиллын идэвхтэн Аунг Сан Су Чи Мягмар гарагт Бангкок хотноо ирсэн бөгөөд эндээ өөрийн нутгаас ирсэн ядуу цагаач ажилчид, дайны дүрвэгсэдтэй уулзаж хэд хоногийг өнгөрөөв.
24 жилийн дараа гадаадад хийж байгаа анхны айлчлалаараа тэрээр мөн Зүүн Азийн эдийн засгийн форумын үеэр дэлхийн бодлого тодорхойлогчидтой уулзахаар төлөвлөж байсан юм.
Бангкокийн Суварнабуми нисэх буудал дээр ирмэгц түүнийг чангаруулсан хамгаалалтынхан сэтгүүлчдээс хамгаалан машин руу хүргэсэн байна.
Тайланд дахь айлчлалаа дуусгаад Су Чи Мянмарт богино хугацааг өнгөрүүлээд 6 дугаар сарын дундуур Европ руу айлчлах юм. Энэ айлчлалынхаа үеэр Женев, Ослод очиж 21 жилийн өмнө авсан Нобелийн энх тайвны шагналаа хүлээн авах гэнэ.
Зүүн Азийн эдийн засгийн форумд Тайланд албан ёсоор уригдаагүй ч өнгөрсөн долоо хоногт Су Чи үүнд оролцохоор шийджээ.
Бага хурлыг үеэр Су Кюгийн ирсэн явдал нь Мянмарын ерөнхийлөгч Тен Сэйнийхээс илүү анхаарал татаж байсан учир Тен Сэйн уулзалтыг цуцалж долоо хоногийг гэр зуурын чухал асуудлуудаа шийдвэрлэхэд өнгөрүүлсэн хэмээн Тайландын гадаад хэргийн сайд Тани Тонгфакди хэлжээ. Тэрээр Тайландад хийх албан ёсны айлчлалаа дараа долоо хоногт болгон хойшлуулсан байна.
Тен Сэйн өнгөрсөн жил цэргийн хунтын дэглэмээс засгийн эрхэнд гарсан боловч энэ сонгуулийг олон улсын ажиглагчид шударга бус болсон гэж үзсэн байна.
Түүнээс хойш тэрээр дэлхийг өргөн далайцтай хувьсгалуудаараа гайхшруулсаар ирсэн юм.
Мянмар гадаад ертөнцөд өөрийгөө нээж байгаа энэ үед Су Чигийн айлчлал нь түүний гэрийн эзэгтэйгээс улс төрийн хэрэгтэн, улс төрийн хэрэгтнээс сөрөг намын тэргүүлэгч болсон амьдралын замналынх нь хамгийн сүүлийн үеийн алхам болж байна.
66 настай Нобелийн шагналтан Су Чи хамгийн сүүлд Берлиний хана хурахаас нэг жилийн өмнө 1988 онд Лондонгоос Мянмар руу бие муутай ээжийгээ асрахаар нисч байжээ.
Shuum.mn