Канадын цагдаагийн албаныхан нэгэн аймшигтай аллагын хэргийн сэжигтнийг тогтоогоод эрэн сурвалжилж байна. Цагдаа нар хохирогчийн биеийн эрхтэн дутуу цогцос болон илгээмжээр явуулсан биеийн хэсгүүдийг олоод байгаа аж. Оттава дахь Конзерватив намын төв байранд хүний хөлийн хэсэгтэй илгээмж ирсний дараа цагдаагийн байгууллага шуурхай ажилдаа оржээ. Намын төлөөлөгч энэ тухай ярихдаа, “Илгээмжнээс үнэхээр аймшигтай үнэр ханхалж байсан. Үзсэн харсан зүйлс ой тойноос гарахгүй байсан” гэжээ.
Дараа нь цагдаа нар Либерал намд хэмээн хаягласан бас хүний тасдсан гар бүхий нэгэн илгээмжийг шуудангийн хайрцагнаас олсон байна. Монтреалын цагдаагийн хэлтэс сэжигтний зургийг олон нийтэд цацаж, Канадын ард иргэдээс сэжигтнийг барихад нь туслахыг хүсжээ. Сэжигтэнийг Лука Рокко Магнотта гэдэг бөгөөд Эрик Клинтон Ньюман эсвэл Владимир Романов гэсэн нэрүүдийг ч хэрэглэдэг байна. Хохирогчийг хэн болохыг тогтоогоогүй байгаа юм.
“Бидний сэжигтний талаар мэдэж байгаа зүйл гэвэл сэжигтэн тэр хохирогчийг таньдаг байсан. Хэргийн газраас олсон мэдээлэл дээр үндэслээд таамаглаж байгаа зүйл гэвэл энэ л байна” гэж цагдаагийн ажилтан хэлжээ.
Цагдаагийнхан мөн Монтреал дах нэгэн нууц байранд нэгжлэг хийжээ. Канадын хэвлэлүүдийн мэдээлж буйгаар хогон дээрээс чемоданд хийсэн толгойгүй цогцос олдсон байна.
Shuum.mn