Монгол Улс Пара­олимпийн наадамд оролцох 10 эрхтэй байгаа бөгөөд үүнээс пара буудлагын төрлөөр тамирчин Р.Лхамсүрэн албан ёсны эрхээ авч, бэлтгэл сур­гуулилтаа базааж байна. Мөн түүний хажуугаар тамирчин З.Ганбаатар Олим­пийн эрхийн болзол хангасан ч энэ сарын 15-нд олон улсын Параолимпийн хорооноос албан ёсоор баталгаажуулах юм байна.

Гэвч Пара буудлагын холбооноос эрх авсан болон эрхийн болзол хангасан та­мирчдын бэлтгэлийг эр­чимтэй базаах тал дээр анхааран ажиллаж байгаа аж.

Тамирчин Р.Лхамсүрэн­гийн хувьд энэ долоо хоногоос Монгол Улсын гавьяат тамирчин О.Гүндэгмаагийн хамт Орхон аймагт бэлтгэл хийнэ. Харин З.Ганбаатар нь тэргэнцэртэй учраас бэлтгэлээ нийслэлд базаахаар төлөвлөж байгаа аж.

Энэ жилийн зуны Олим­пийн наадам спортын 20 төрлөөр зохион байгуулагдах бөгөөд манай тамирчид жүдо, буудлага, хөнгөн атлетик, байт харваа гэсэн төрлүүдээр Параолимпод оролцохоор болоод байгаа билээ.

Эх сурвалж: "Өглөөний сонин"