Газрын тосны чиглэлээр гадаадын өндөр хөгжилтэй орнуудын их, дээд сургуульд суралцах хүсэлтэй оюутан, залуусын дунд уралдаант шалгаруулалт зарлажээ.
Энэхүү үйл ажиллагааг Эрдэс баялаг, эрчим хүчний яам, БСШУЯ, Газрын тосны газар хамтран зохион байгуулж буй юм байна.
Шалгаруулалтад эхний таван байр эзэлсэн шилдэг оюутнуудыг газрын тосны хайгуул, олборлолтын ажлыг гүйцэтгэж буй гадаад, дотоодын компаниудаас олгодог сургалтын тэтгэлгээр өндөр хөгжилтэй орны их, дээд сургуулийн бакалаврын хөтөлбөрт тэтгэлэгтэй суралцуулах юм байна. Мөн дөрвөн жилийн хугацаанд дээрх таван оюутан газрын тосны чиглэлээр бакалаврын зэрэг хамгаалаад улмаар магистрт суралцах боломжтой гэнэ.