Монгол Улсын Ерөнхийлөгч Ц.Элбэгдорж зарлиг буулган улсын их баяр наадамд тав даван шөвгөрсөн Говь-Алтай аймгийн Бигэр сумын харьяат аймгийн арслан Ж.Амартүвшин, Архангай аймгийн Булган сумын харьяат аймгийн арслан Р.Пүрэвдагва, Ховд аймгийн Чандмань сумын харьяат аймгийн арслан Б.Пүрэвсайхан, Өвөрхангай аймгийн Хархорин сумын харьяат аймгийн заан Б.Сугаржаргал нарт Монгол Улсын начин цол олголоо.
Мөн Улсын их баяр наадамд зургаа даван шөвгөрсөн Өвөрхангай аймгийн Хархорин сумын харьяат улсын начин т.Санчирт Монгол Улсын харцага цол олгож цолны үнэмлэх, энгэрийн тэмдэгийг гардууллаа.
Энэ үеэр хамгийн залуу начин Б.Сугаржаргалыг МЗХ-ноос уламжлалт ёсоор хурдан удмын даагаар мялаалаа.

Ш.Болд 
МОНЦАМЭ