Рок попын ертөнцөд орж ирсэн цагаасаа чадалтай хоолойтой гэдгээрээ үзэгч фэнүүддээ үнэлэгдэж ирсэн дуучин Ж.Алтанцэцэг  Монгол түмний баяр наадмын өмнө Монгол Улсын Гавьяат жүжигчин хэмээх хүндтэй цолыг хүртсэн.
    Тэрбээр 20 гаруй жил рок, попдоо үнэнч байж олон сайхан бүтээлээрээ үзэгч түмнээ мялааж байдаг уран бүтээлч билээ. Тун удахгүй 10 дугаар сарын сүүлчээр бие даасан тоглолтоо чанарын өндөр түвшинд хийнэ гэлээ. Түүний тоглолтод урьд өмнөх ямар ч тоглолтод дуугарч байгаагүй хөгжим, аппарат тоног төхөөрөмж ажиллах гэнэ. Түүний шавь нар бие даасан тоглолтод нь оролцож бэлэг барихаас гадна урьд нь дуулж байгаагүй шинэ дуунууд, олны хүртээл болсон хит дуунуудаас гадна ари, романс, сонгодог дуурь ч дуулж хүч чадлаа сорих юм байна.
Д.Догсмаа