УИХ-ын дарга З.Энхболдод УИХ-ын гишүүн Д.Ганхуяг, Л.Болд, Г.Баярсайхан нар Нийслэлийн гэр хорооллыг дэд бүтэцжүүлэхэд шаардагдах санхүүгийн арга хэмжээний тухай хуулийн төслийг өргөн барьжээ.
Өнөөдөр Монголын хүн амын 40 орчим хувь нь амьдарч байгаа Улаанбаатар хотын гэр хорооллын амьдрах нөхцлийг сайжруулах дэд бүтцийг бий болгоход их хэмжээний санхүүжилт хэрэгтэй байгаа бөгөөд энэ ажлыг яаралтай хийхийн тулд бусад орнуудад хэрэглэдэг зорилтот татварыг бий болгох шаардлагатай хэмээн үзэж байгаа юм байна. Монгол Улсын уул уурхайн бүтээгдэхүүн тэр дундаа нүүрсний экспорт жил ирэх тусам нэмэгдэж байгаа билээ. Иймээс нүүрс болон төмрийн хүдрийн бүтээгдэхүүнд долоо хүртэл хувийн татвар ногдуулж эндээс бүрдэх орлогыг бүхэлд нь гэр хорооллын дэд бүтцийг сайжруулахад зориулахаар хуулийн төсөлд тусгажээ. Энэ хүрээнд Татварын ерөнхий хууль, Зарим бараанд ногдуулах экспортын гаалийн татварын хэмжээг тогтоох тухай хуульд нэмэлт оруулах хуулийн төслийг хамтад нь өргөн барьсан байна. Нүүрс болон төмрийн хүдэрт экспортын татвар ногдуулснаар жилд 370 сая ам.долларын орлого орох бөгөөд Гэр хорооллыг дэд бүтэцжүүлэхэд шаардлагатай 1,8 их наяд төгрөгийн санхүүжилтыг 3-4 жилд бүрдүүлэх юм. УИХ-ын дарга З.Энхболд энэ удаагийн УИХ-ын анхны хуулийн төслийг хүлээн аваад “Энэ бол зөвхөн нийслэлийн төдийгүй Монгол Улсын өмнө тулгамдаад байгаа асуудлуудын нэг. Улаанбаатар хотын гэр хорооллын дэд бүтцийг шийдвэрлэх зөв гарцыг олж харсан сайн хуулийн төсөл. Засгийн газраас санал авахад нь би оролцож гарын үсгээ зурж байсан. Ойрын хугацаанд Орон нутгийн сонгуулийн тухай хуультай зэрэгцүүлэн яаралтай батлах хуулийн нэг байх болно. Энэ хууль батлагдсанаар гэр хороолол дэд бүтэцтэй болох ажил бодитой болно” хэмээсэн юм. Хуулийн төслийг өргөн барьсан гишүүд энэхүү хууль батлагдсанаар гэр хорооллыг дэд бүтэцжүүлэх ажил эрхзүйн болон санхүүжилтын хувьд бүрэн шийдэгдэнэ үзэж байна. Өнөөдөр нийслэл Улаанбаатар хотын хүн амын 60,9 хувь буюу 736 мянга орчим нь гэр хороололд амьдардаг бөгөөд агаарын бохирдлын 70 хувь нь гэр хорооллоос хамааралтай байдаг байна.
Өнөөдөр Монголын хүн амын 40 орчим хувь нь амьдарч байгаа Улаанбаатар хотын гэр хорооллын амьдрах нөхцлийг сайжруулах дэд бүтцийг бий болгоход их хэмжээний санхүүжилт хэрэгтэй байгаа бөгөөд энэ ажлыг яаралтай хийхийн тулд бусад орнуудад хэрэглэдэг зорилтот татварыг бий болгох шаардлагатай хэмээн үзэж байгаа юм байна. Монгол Улсын уул уурхайн бүтээгдэхүүн тэр дундаа нүүрсний экспорт жил ирэх тусам нэмэгдэж байгаа билээ. Иймээс нүүрс болон төмрийн хүдрийн бүтээгдэхүүнд долоо хүртэл хувийн татвар ногдуулж эндээс бүрдэх орлогыг бүхэлд нь гэр хорооллын дэд бүтцийг сайжруулахад зориулахаар хуулийн төсөлд тусгажээ. Энэ хүрээнд Татварын ерөнхий хууль, Зарим бараанд ногдуулах экспортын гаалийн татварын хэмжээг тогтоох тухай хуульд нэмэлт оруулах хуулийн төслийг хамтад нь өргөн барьсан байна. Нүүрс болон төмрийн хүдэрт экспортын татвар ногдуулснаар жилд 370 сая ам.долларын орлого орох бөгөөд Гэр хорооллыг дэд бүтэцжүүлэхэд шаардлагатай 1,8 их наяд төгрөгийн санхүүжилтыг 3-4 жилд бүрдүүлэх юм. УИХ-ын дарга З.Энхболд энэ удаагийн УИХ-ын анхны хуулийн төслийг хүлээн аваад “Энэ бол зөвхөн нийслэлийн төдийгүй Монгол Улсын өмнө тулгамдаад байгаа асуудлуудын нэг. Улаанбаатар хотын гэр хорооллын дэд бүтцийг шийдвэрлэх зөв гарцыг олж харсан сайн хуулийн төсөл. Засгийн газраас санал авахад нь би оролцож гарын үсгээ зурж байсан. Ойрын хугацаанд Орон нутгийн сонгуулийн тухай хуультай зэрэгцүүлэн яаралтай батлах хуулийн нэг байх болно. Энэ хууль батлагдсанаар гэр хороолол дэд бүтэцтэй болох ажил бодитой болно” хэмээсэн юм. Хуулийн төслийг өргөн барьсан гишүүд энэхүү хууль батлагдсанаар гэр хорооллыг дэд бүтэцжүүлэх ажил эрхзүйн болон санхүүжилтын хувьд бүрэн шийдэгдэнэ үзэж байна. Өнөөдөр нийслэл Улаанбаатар хотын хүн амын 60,9 хувь буюу 736 мянга орчим нь гэр хороололд амьдардаг бөгөөд агаарын бохирдлын 70 хувь нь гэр хорооллоос хамааралтай байдаг байна.
