Монгол Улсын Ерөнхийлөгч Цахиагийн Элбэгдорж Ардчилсан Намын дарга Н.Алтанхуяг, Монгол Ардын Намын дарга Ө.Энхтүвшин нарыг хүлээн авч уулзлаа.  Намын дарга нартай уулзах үеэр УИХ-д суудалтай намын бүлгүүд УИХ-ын хүрээнд асуудлаа шийдвэрлэж явах нь зүйтэй гэж тохиролцлоо.
Мөн хоёр намын даргын хувьд өнгөрсөн өдрүүдэд тодорхой асуудлууд дээр санал солилцсон бөгөөд байр сууриа нэгтгэн цаашид хамтран ажиллахаа илэрхийллээ.
Ерөнхийлөгч хоёр намын даргатай уулзахдаа Монгол Улсын Ерөнхий сайдын асуудлыг цаг алдалгүй УИХ-ын чуулганаар хэлэлцүүлж шийдвэрлэх нь зүйтэй гэдэг дээр мөн санал нэгдсэн байна.