Энэ сарын 25-нд эхэлсэн МАХН-ын бага чуулган шөнийн 01.40 цаг хүртэл хуралджээ. Тус нам бага чуулганаараа 2012 оны парламентийн сонгуулийн үр дүн, өнөөгийн нөхцөл байдлаа хэлэлцсэн байна. Мөн Эрүүл мэндийн сайдын албан тушаалд томилогдсон Н.Удвалын оронд МАХН-ын Ерөнхий нарийн бичгийн даргаа сонгох ёстой байсан ч дараагийн бага чуулганаар хэлэлцэхээр шийдвэрлэлээ. Харин шинээр нарийн бичгийн дарга нарыг сонгож томилсон байна. МАХН-ын Нарийн бичгийн дарга нарт Төрийн байгуулалт хариуцсан нарийн бичгээр УИХ-ын гишүүн Баянсэлэнгэ, Говийн бүс хариуцсан нарийн бичгийн даргаар Ч.Чимидсүрэн, Хэвлэл мэдээлэл хариуцсан нарийн бичгийн даргаар Б.Тулга, Гадаад харилцаа хариуцсан нарийн бичгийн даргаар Э.Батшугар, Засгийн газар хариуцсан нарийн бичгийн даргаар Н.Удвал нарыг тус тус томилжээ. Юутай ч МАХН-ын дотоод бүтэц зохион байгуулалт өргөжин, шинээр нарийн бичгүүд томилогдсон байдлыг харахад ирэх дөрвөн жилд эрч хүчтэй ажиллах бодлого баримталж байгаа бололтой.