Туркийн Стамбул хотноо дэлхийн шатрын 40 дүгээр олимпиад эхэлж байна. Есдүгээр сарын 5-нд аваргаа тодруулах уг тэмцээнд манай улсаас эрэгтэй эмэгтэй баг тус бүр таван тамирчин, дасгалжуулагч, албаны хүмүүсийн хамт оюун ухаанаа уралдуулж эхэллээ.
Эрэгтэй багийн бүрэлдэхүүнд Их мастер Д.Шаравдорж, Ц.Батчулуун, Олон улсын мастер Б.Гүндаваа,ФИДЕ мастер Г.Мөнхгал, М.Гүнбаяр нар багтжээ. Тамирчдыг гавьяат дасгалжуулагчаар П.Жигжидсүрэн ажиллаж байна. Харин эмэгтэй багт Их мастер Б.Мөнгөнтуул, Т.Батчимэг, ОУ-ын мастер Д.Янжиндулам, Б.Анхчимэг, ФИДЕ мастер С.Отгонжаргал нар багтжээ. Эмэгтэй шатарчдын дасгалжуулагчаар МШХ-ны ерөнхий нарийн бичгийн дарга Ц.Батсайхан ажиллах юм.
Д.Өлзий